അഭിനയവും മിമിക്രിയും മാത്രമല്ല മികച്ച ഗായകൻ കൂടി തെളിച്ചിരിക്കുകയാണ് മലയാളത്തിന്റെ പ്രിയ നടൻ ജയറാം. കല്യാൺ ഗ്രൂപ്പ് ഒരുക്കിയ നവരാത്രി ആഘോഷത്തിനിടെയായിരുന്നു ജയറാമിന്റെ പാട്ട്. സദസ്സിലിരുന്ന ഭാര്യയും നടിയുമായ പാർവതിയോട് 'അച്ചൂ, ഇത് നിനക്കു വേണ്ടി' എന്നു പറഞ്ഞുകൊണ്ടാണ് ജയറാം പാടിത്തുടങ്ങിയത്.
പാർവതി അഭിനയിച്ച "ഒരു മിന്നാമിനുങ്ങിന്റെ നുറുങ്ങുവട്ടം" എന്ന ചിത്രത്തിലെ 'മെല്ലെ മെല്ലെ മുഖപടം' എന്ന ഗാനമാണ് ജയറാം ആദ്യം പാടിയത്. ഇതിനുപിന്നാലെ പ്രഭു, നാഗാർജുന, അന്തരിച്ച നടൻ പുനീത് രാജ്കുമാർ എന്നിവർക്കുവേണ്ടിയും ജയറാം ഗാനം ആലപിച്ചു. ഗായകൻ അനൂപ് ശങ്കറാണ് വിഡിയോ പങ്കുവച്ചിരിക്കുന്നത്.
താരസമ്പന്നമായിരുന്നു കല്യാൺ ഗ്രൂപ്പിന്റെ നവരാത്രി ആഘോഷം. പ്രഭു, നാഗാർജുന, ജയറാം, നവ്യ നായർ, നിവിൻ പോളി, ജോജു ജോർജ്ജ്, നീരജ് മാധവ്, കല്യാണി പ്രിയദർശൻ, പ്രിയ വാര്യർ, അനശ്വരാ രാജൻ, സത്യൻ അന്തിക്കാട്, ഔസേപ്പച്ചൻ തുടങ്ങി നിരവധിപ്പേരെ വിഡിയോയിൽ കാണാം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
