കിങ് ഖാന്റെ തിരിച്ചുവരവിനായി ഏറെ പ്രതീക്ഷയോടെ കാത്തിരിക്കുകയാണ് ആരാധകർ. പത്താൻ സിനിമയിലൂടെയാണ് താരത്തിന്റെ മടങ്ങിവരവ്. ഇപ്പോൾ ആരാധകരെ ആവേശത്തിലാക്കി തന്റെ പുതിയ ചിത്രം പങ്കുവച്ചിരിക്കുകയാണ് ഷാരുഖ് ഖാൻ. ഷർട്ടില്ലാതെ സോഫയിൽ ഇരിക്കുന്ന ഷാരുഖിനെയാണ് ചിത്രത്തിൽ കാണുന്നത്. മുടി നീട്ടി വളർത്തിയ ലുക്കിലാണ് താരം. പാതി മുഖം മറച്ചിരിക്കുന്ന ചിത്രം രസകരമായ അടിക്കുറിപ്പിനൊപ്പമാണ് പങ്കുവച്ചിരിക്കുന്നത്.
തന്റെ കാണാതായ ഷർട്ടുമായുള്ള സംസാരമാണ് അടിക്കുറിപ്പായി നൽകിയത്. കൂടാതെ പത്താനായുള്ള കാത്തിരിപ്പിലാണെന്നും താരം വ്യക്തമാക്കുന്നു തന്റെ മസിൽ ബോഡിയും കാണിച്ചുള്ള താരത്തിന്റെ ഇരിപ്പ് ആരാധകരുടെ മനം കവരുകയാണ്. താരങ്ങൾ ഉൾപ്പടെ നിരവധി പേരാണ് കമന്റുമായി എത്തിയിരിക്കുന്നത്.
കൂട്ടത്തിൽ ഷാരുഖിന്റെ ഭാര്യ ഗൗരി ഖാന്റെ കമന്റാണ് ആരാധകർക്കിടയിൽ ചിരിനിറക്കുന്നത്. ദൈവമേ, ഇങ്ങേരിപ്പോൾ ഷർട്ടിനോടും സംസാരിക്കാൻ തുടങ്ങിയോ എന്നായിരുന്നു കമന്റ്. റിച്ച ഛദ്ദ, ടൈഗർ ഷരോഫ് തുടങ്ങിയ നിരവധി പേരും കമന്റുമായി എത്തി. ഞാനിന്ന് വിശ്രമിക്കാമെന്നാണ് കരുതിയത് അപ്പോഴാണ് ഇത് കണ്ടത്, ഇതിഹാസം എന്നായിരുന്നു ടൈഗർ ഷറോഷ് കുറിച്ചത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
