മണിക്കൂറുകളുടെ ഇടവേളയിൽ സഹോദരിയേയും സഹോദരനേയും നഷ്ടപ്പെട്ടതിന്റെ ദുഃഖത്തിലാണ് നടൻ ബോസ് വെങ്കട്ടും കുടുംബവും. കഴിഞ്ഞ ദിവസമാണ് തന്റെ സഹോദരി വളർമതിയുടെ മരണവാർത്ത താരം സോഷ്യൽ മീഡിയയിൽ പങ്കുവച്ചത്. വളർമതിയുടെ ശവസംസ്കാര ച
ചടങ്ങിനിടെ സഹോദരൻ രംഗനാഥനും അപ്രതീക്ഷിതമായി വിടപറയുകയായിരുന്നു.
ഹൃദയാഘാതത്തെ തുടർന്ന് ചെന്നൈയിൽ വച്ചായിരുന്നു വളർമതിയുടെ മരണം. ശവസംസ്കാര ചടങ്ങുകൾ നടക്കുന്നതിനിടെ രംഗനാഥൻ ഹൃദയാഘാതത്തെ തുടർന്ന് തളർന്നു വീഴുകയായിരുന്നു. സഹോദരിയുടെ മൃതദേശത്തിലേക്ക് കുഴഞ്ഞുവീണ് തത്ക്ഷണം മരിക്കുകയായിരുന്നു. ബോസ് വെങ്കട്ടിന്റെ കുടുംബത്തിലുണ്ടായ അപ്രതീക്ഷിത വിയോഗം സിനിമാലോകത്തെ ഒന്നടങ്കം ഞെട്ടിച്ചിരിക്കുകയാണ്.
മലയാളം, തമിഴ് ചിത്രങ്ങളിലൂടെ ശ്രദ്ധേയനായ നടനാണ് ബോസ് വെങ്കട്ട്. വില്ലൻ കഥാപാത്രങ്ങളിലാണ് ബോസ് കൂടുതൽ പ്രത്യക്ഷപ്പെട്ടിട്ടുള്ളത്. നടൻ എന്ന നിലയിൽ മാത്രമല്ല. സംവിധായകൻ, ഡബ്ബിങ് ആർട്ടിസ്റ്റ് എന്നീ നിലകളിലും ശ്രദ്ധേയനാണ്. ദീപാവലി, ശിവാജി, ധാം ധൂം, സരോജ, സിങ്കം, കോ തുടങ്ങിയ തമിഴ് ചിത്രങ്ങളിൽ പ്രധാന വേഷത്തിലെത്തി. മലയാളത്തിൽ ലയൺ, പന്തയക്കോഴി, അണ്ണൻ തമ്പി, വൺവേ ടിക്കറ്റ് തുടങ്ങിയ ചിത്രങ്ങളിലും അഭിനയിച്ചിട്ടുണ്ട്. മലയാളികളുടെ പ്രിയതാരം സോണിയയാണ് ബോസിന്റെ ഭാര്യ.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
