തന്നെ പാട്ടെഴുതാന് വിളിപ്പിച്ച് ദിലീപ് അപമാനിച്ചുവിട്ടിട്ടുണ്ടെന്ന് സംഗീത സംവിധായകനും ഗാനരചയിതാവുമായ കൈതപ്രം ദാമോദരന് നമ്പൂതിരി. ഒരു പാട്ട് എഴുതി പൂര്ത്തിയാക്കിയപ്പോള് അടുത്തത് വേറെ നമ്പൂതിരി എഴുതുമെന്ന് ദിലീപ് വിളിച്ചു പറയുകയായിരുന്നു. അത്ര ധിക്കാരം തന്നോട് വേണ്ട എന്നു പറഞ്ഞ് ഇറങ്ങിപ്പോരുകയായിരുന്നു എന്നാണ് കൈതപ്രം പറയുന്നത്. ദി ന്യൂ ഇന്ത്യന് എക്സ്പ്രസിന്റെ എക്സ്പ്രസ് ഡയലോഗില് സംസാരിക്കുകയായിരുന്നു അദ്ദേഹം.
ദിലീപ് എന്നെ പാട്ടെഴുതാന് വിളിപ്പിച്ചു. ഒരു പാട്ടാണ് എനിക്കുള്ളത് എന്ന് എന്നോട് നേരത്തെ പറഞ്ഞാല് മതി. എനിക്കെന്താണ് പ്രശ്നം. ദീപക് ദേവിന്റെ രണ്ടാം നിലയിലുള്ള സ്റ്റുഡിയോയിലേക്ക് നടത്തി കയറ്റി പാട്ടെഴുതിച്ചു. ഒരു പാട്ട് ഞാന് പൂര്ത്തിയാക്കി. അപ്പോള് അയാള് വിളിച്ചു പറയുകയാണ് ഇനി അടുത്തത് വേറെ നമ്പൂതിരി എഴുതുമെന്ന്. അത്ര ധിക്കാരമൊന്നും എന്നോട് വേണ്ട എന്ന് ഞാന് പറഞ്ഞു. നിന്റെ പടം എനിക്കു വേണ്ട എന്ന് പറഞ്ഞ് ഞാന് ഇറങ്ങിവന്നു. ഭരതേട്ടന് പറഞ്ഞാല് പോലും ഞാന് കേള്ക്കൂല്ല, പിന്നെയാണ് ഇവന് പറയുന്നത് കേള്ക്കുന്നത്. എന്നെ വിളിച്ചില്ലെങ്കിലും ഒരു പ്രശ്നവുമില്ല. അവനെ ഞാന് വിളിക്കില്ല. - കൈതപ്രം പറഞ്ഞു.
തന്റെ സിനിമയില് അഭിനയിക്കാന് ഇവിടെയുള്ള ആരും തയ്യാറായില്ലെന്നും കൈതപ്രം ദാമോദരന് നമ്പൂതിരി. ഇവിടെയുള്ള ഒരു നടനും പുതുമ ഉണ്ടെന്ന് വിചാരിച്ച് പോലും അന്ന് ചിത്രത്തില് അഭിനയിക്കാന് വന്നില്ല. പൃഥ്വിരാജിന്റെയൊക്കെ പിന്നാലെ നടന്നിട്ടുണ്ട്. ഒറ്റയാളും തിരിഞ്ഞുനോക്കിയില്ല. എല്ലാവരെയും സഹായിക്കുന്ന സുരേഷ് ഗോപി പോലും ഒന്നും ചോദിച്ചില്ല. അയാളെയും ഞാന് അഭിനയിക്കാന് വിളിച്ചു. നാലുദിവസത്തേയ്ക്ക് 60 ലക്ഷം രൂപയാണ് ചോദിച്ചത്. കാരുണ്യത്തെ കുറിച്ച് അഭിപ്രായം പറയുന്നയാള് തന്നോട് ഒരു കാരുണ്യവും കാട്ടിയില്ലെന്നും കൈതപ്രം വിമര്ശിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ