കഴിഞ്ഞ ദിവസം മുംബൈ ഇന്ത്യൻസിന് എതിരായ ചെന്നൈ സൂപ്പർകിങ്സിന്റെ കളി വൻ ആവേശമാണ് നിറച്ചത്. അവസാന ഓവറിലെ എംഎസ് ധോനിയുടെ വെടിക്കെട്ട് ബാറ്റിങ് കാണികളെ ഒന്നടങ്കം അമ്പരപ്പിച്ചു. ഇപ്പോൾ സോഷ്യൽ മീഡിയയിൽ വൈറലാവുന്നത് ധോനിയുടെ സിക്സർ കണ്ട് നടി നേഹ ദൂപിയയുടെ പ്രതികരണമാണ്.
ഹർദിക് പാണ്ഡ്യ എറിഞ്ഞ ഓവറിൽ ഹാട്രിക് സിക്സാണ് താരം നേടിയത്. ഇതുകണ്ട് ആർത്തുവിളിക്കുന്ന നേഹയെ ആണ് വിഡിയോയിൽ കാണുന്നത്. നേഹയ്ക്കൊപ്പം ഭർത്താവ് അങ്കദ് ബേദി ബോളിവുഡ് താരങ്ങളായ കരീന കപൂർ, ജോൺ എബ്രഹാം എന്നിവരുമുണ്ടായിരുന്നു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
സോഷ്യൽ മീഡിയയിലൂടെ നേഹ തന്നെയാണ് വിഡിയോ പോസ്റ്റ് ചെയ്തത്. എന്റെ സ്വന്തം ഹൈലൈറ്റ് എന്ന് പറഞ്ഞാണ് താരം കളി കാണുന്നതിന്റെ ദൃശ്യങ്ങൾ പങ്കുവച്ചത്. എന്തായാലും രസകരമായ കമന്റുകളാണ് പോസ്റ്റിനു താഴെ വരുന്നത്. ധോനിയുടെ കളി കണ്ട് തന്റെ അവസ്ഥയും ഇങ്ങനെയായിരുന്നു എന്നാണ് ആരാധകരുടെ കമന്റ്.
വാംഖഡെയിൽ വച്ചാണ് ചെന്നൈ–മുംബൈ മത്സരം നടന്നത്. നാലു പന്തുകൾ മാത്രം നേരിട്ട ധോണി 20 റൺസെടുത്ത് മുംബൈ വാങ്കഡെ സ്റ്റേഡിയത്തിലെ ആരാധകരെ കയ്യിലെടുക്കുകയായിരുന്നു. കളിയിൽ 20 റൺസിന് മുംബൈ തോൽക്കുകയും ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
