പ്രഭാസും പൃഥ്വിരാജും പ്രധാന വേഷത്തിലെത്തിയ ചിത്രമാണ് സലാര്: പാര്ട്ട് വണ്- സീസ്ഫയര്. ചിത്രം തിയറ്ററില് വമ്പന് വിജയമായിരുന്നു. ഇപ്പോള് ഒടിടി റിലീസിന് ഒരുങ്ങുകയാണ് ചിത്രം. നെറ്റ്ഫഌക്സിലൂടെ ജനുവരി 20നാണ് സലാര് സ്ട്രീമിങ് ആരംഭിക്കുന്നത്. തെലുങ്ക്, തമിഴ്, മലയാളം, കന്നഡ ഭാഷകളില് ചിത്രം എത്തും.
കെജിഎഫിന് ശേഷം പ്രശാന്ത് നീല് ഒരുക്കിയ ചിത്രമാണ് സലാര്. ഡിസംബര് 22 ന് തിയറ്ററില് റിലീസ് ചെയ്ത ചിത്രം 400കോടിയില് അധികം രൂപയാണ് ഇന്ത്യന് ബോക്സ് ഓഫിസില് നിന്ന് മാത്രം കളക്ട് ചെയ്തത്. സമ്മിശ്ര പ്രതികരണം ലഭിച്ചതിനിടെയാണ് കഴിഞ്ഞ വര്ഷത്തെ ഏറ്റവും വലിയ ഹിറ്റുകളില് ഒന്നായി സലാര് മാറിയത്.
രണ്ട് ഭാഗങ്ങളിലായിട്ടാവും സലാര് റിലീസ്ന് എത്തുക. പ്രഭാസിനേയും പൃഥ്വിരാജിനേയും കൂടാതെ ശ്രുതി ഹാസന്, ജഗപതി ബാബു, ശ്രിയ റെഡ്ഡി തുടങ്ങിയവരും പ്രധാന വേഷത്തിലെത്തി. സലാര്- പാര്ട്ട് 2 ശൗരംഗ്യ പര്വം എന്നാണ് രണ്ടാം ഭാഗത്തിന് പേര് നല്കിയിരിക്കുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ