രാഷ്ട്രീയത്തിലേക്ക് ചുവടുവെച്ചിരിക്കുകയാണ് ബോളിവുഡ് താരസുന്ദരി കങ്കണ റണാവത്ത്. ബിജെപി സ്ഥാനാര്‍ത്ഥിയായി ഹിമാചല്‍ പ്രദേശില്‍ നിന്നാണ് താരം ജനവിധി തേടുന്നത്. സിനിമയിലെ തുടര്‍പരാജയങ്ങളാണ് കങ്കണയെ രാഷ്ട്രീയത്തിലേക്ക് എത്തിച്ചതെന്ന് ആരോപണമുണ്ടായിരുന്നു. എന്നാല്‍ കങ്കണ ഇതിനെ തള്ളി. താനും ഷാരുഖ് ഖാനുമാണ് അവസാന തലമുറയിലെ താരങ്ങളെന്നും കങ്കണ പറഞ്ഞു.
ഷാരുഖ് ഖാന് 10 വര്‍ഷത്തിലെ ഒറ്റ വിജയ ചിത്രം പോലും ഉണ്ടായിരുന്നില്ല. പിന്നീടാണ് പത്താന്‍ വിജയിച്ചത്. എനിക്ക് 8 വര്‍ഷത്തോളം വിജയങ്ങളൊന്നുമുണ്ടായിരുന്നില്ല. പിന്നീടാണ് ക്വീന്‍ വിജയിക്കുന്നത്. മണികര്‍ണികയ്ക്ക് ശേഷം 3-4 വര്‍ഷം എനിക്ക് വിജയങ്ങളില്ല. ഇപ്പോള്‍ എമര്‍ജന്‍സി വരികയാണ്. ചിലപ്പോള്‍ അത് വലിയ വിജയമാകും.- കങ്കണ പറഞ്ഞു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
സ്റ്റാര്‍സിന്റെ അവസാന ജനറേഷനില്‍പ്പെട്ടവരാണ് താനും ഷാരുഖ് ഖാനും എന്നാണ് കങ്കണ പറയുന്നത്. ഒടിടിയിലൂടെ താരങ്ങള്‍ ജനിക്കില്ല. ഞങ്ങള്‍ വളരെ പരിചിത മുഖങ്ങളാണ്. ദൈവാനുഗ്രഹത്തില്‍ ഞങ്ങള്‍ക്ക് വലിയെ ഡിമാന്‍ഡ് ഉണ്ട്. - കങ്കണ റണാവത്ത് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
