ന്യൂഡല്ഹി: ഇന്ത്യ ബഹിരാകാശത്തേക്ക് ആളെ അയയ്ക്കുന്ന നാലാമത്തെ രാഷ്ട്രമായി ഉടന് മാറുമെന്ന് പ്രധാനമന്ത്രി നരേന്ദ്രമോദി. ഇന്ത്യന് ശാസ്ത്രജ്ഞനോ ശാസ്ത്രജ്ഞയോ 2022 ല് ബഹിരാകാശത്തെത്തും. സ്വാതന്ത്ര്യത്തിന്റെ 75ാം വാര്ഷികത്തില് ത്രിവര്ണ പതാക ബഹിരാകാശത്ത് പാറുമെന്ന ഉറപ്പാണ് തനിക്ക് രാജ്യത്തിന് നല്കാനുള്ളതെന്നും പ്രധാനമന്ത്രി സ്വാതന്ത്ര്യദിന സന്ദേശത്തില് പറഞ്ഞു. ഇന്ത്യയിലെ മികവുറ്റ ശാസ്ത്രജ്ഞന്മാരില് അഭിമാനിക്കുന്നുവെന്നിും അദ്ദേഹം കൂട്ടിച്ചേര്ത്തു.
പ്രധാനമന്ത്രിയുടെ സ്വപ്നം സാക്ഷാത്കരിക്കാന് കഴിവതും പരിശ്രമിക്കുമെന്നും തിരക്കേറിയ ഷെഡ്യൂളുകള്ക്കിടയിലും 2022 ല് ഈ ലക്ഷ്യം കൈവരിക്കുമെന്നും ഐഎസ്ആര്ഒ ചെയര്മാന് ഡോക്ടര് കെ ശിവന് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ