ഗാസിപൂര്: ബിജെപിയെ വിമര്ശിക്കുന്നവരെ നാലുമണിക്കൂറിനുളളില് ശരിയാക്കുമെന്ന് കേന്ദ്രമന്ത്രിയുടെ ഭീഷണി. ഉത്തര്പ്രദേശ് ഗാസിപൂരിലെ ബിജെപി സ്ഥാനാര്ത്ഥിയായ മനോജ് സിന്ഹ തെരഞ്ഞെടുപ്പ് റാലിയില് പങ്കെടുത്ത് സംസാരിക്കുന്നതിനിടെയാണ് ഭീഷണി മുഴക്കിയത്.ക്യാമറയില് പതിഞ്ഞ പ്രസംഗത്തിന്റെ ഭാഗങ്ങള് സോഷ്യല്മീഡിയയില് വ്യാപകമായാണ് പ്രചരിക്കുന്നത്.
'ബിജെപി പ്രവര്ത്തകന് നേരെ വിരല് ഉയര്ത്തിയാല്, ഞാന് ഉറപ്പുനല്കുന്നു, നാലുമണിക്കൂറിനുളളില് ആ വിരല് അവിടെ കാണില്ല.' മനോജ് സിന്ഹയുടെ വാക്കുകളെ മുദ്രാവാക്യങ്ങളോടെയാണ് പ്രവര്ത്തകര് വരവേറ്റത്.
'അഴിമതിയും അവിഹിത സമ്പാദ്യവും കുഴിച്ചുമൂടാന് ബിജെപി പ്രവര്ത്തകര് തയ്യാറാണ്. ആര്ക്കും ബിജെപിയുടെ കണ്ണുകളില് നോക്കാന് പോലുമുളള ധൈര്യമില്ല.അങ്ങനെ ചെയ്താല്. ബാക്കി കാര്യം മറ്റുളളവര് നോക്കിക്കൊളളും. ആ കണ്ണുകളും സുരക്ഷിതമല്ല'- മനോജ് സിന്ഹ പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ