മൂന്നു വയസുകാരിയായ മകളെക്കുറിച്ച് അപവാദം പറഞ്ഞത് ചോദ്യം ചെയ്തു; അച്ഛനെ അയല്‍വാസികള്‍ കൊലപ്പെടുത്തി
ന്യൂഡല്‍ഹി; മൂന്നു വയസുകാരിയായ മകളെക്കുറിച്ച് അപവാദം പറഞ്ഞത് ചോദ്യം ചെയ്തതിന് അച്ഛനെ അയല്‍വാസികള്‍ തല്ലിക്കൊന്നു. ഡല്‍ഹിയിലെ പുല്‍പ്രഹഌദ്പൂര്‍ മേഖലയില്‍ ചൊവ്വാഴ്ചയാണ് സംഭവമുണ്ടായത്. രാകേഷാണ് കൊല്ലപ്പെട്ടത്. സംഭത്തില്‍ അയല്‍വാസിയായ കൃഷ്ണയേയും അയാളുടെ സഹോദരന്‍ രന്‍ജീത്തിനേയും പൊലീസ് അറസ്റ്റ് ചെയ്തു.
മകളെക്കുറിച്ച് മോശം പറഞ്ഞതിനെ തുടര്‍ന്നാണ് രാകേഷും കൃഷ്ണയും വാഗ്വാദത്തില്‍ ഏര്‍പ്പെടുന്നത്. ഇത് കയ്യാങ്കളിയിലേക്ക് നീങ്ങിയതോടെ മറ്റ് അയല്‍വാസികള്‍ ചേര്‍ന്ന് ഇരുവരേയും പിടിച്ചു മാറ്റി. ഇതിന് ശേഷം ഇരുവരും തങ്ങളുടെ വീടുകളിലേക്ക് മടങ്ങി. കുറച്ചു കഴിഞ്ഞപ്പോള്‍ രാകേഷ് ഭാര്യ പൂജയ്ക്കും സഹോദരന്‍ മുകേഷിനും ഒപ്പം കൃഷ്ണയുടെ വീട്ടില്‍ എത്തി. ഇവിടെ വെച്ചാണ് കൊല നടക്കുന്നത്.
കൃഷ്ണയും രന്‍ജീത്തും ചേര്‍ന്ന് മൂര്‍ച്ചയുള്ള ആയുധം ഉപയോഗിച്ച് തന്റെ ഭര്‍ത്താവിനെ ആക്രമിക്കുകയായിരുന്നു എന്നാണ് രാജേഷിന്റെ ഭാര്യ പൂജ പറഞ്ഞത്. ആക്രമിക്കപ്പെട്ട ഉടന്‍ തന്നെ രാജേഷിന്റെ കുടുംബം അദ്ദേഹത്തെ അടുത്തുള്ള ആശുപത്രിയില്‍ എത്തിച്ചെങ്കിലും ചികിത്സയിലിരിക്കെ മരിക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
