ന്യൂഡല്ഹി: പ്രധാനമന്ത്രി നരേന്ദ്രമോദി കരുത്തുറ്റ സര്ക്കാരിന്റെ പ്രതിരൂപമാണ് എന്ന ബിജെപിയുടെ ആവര്ത്തിച്ചുളള അവകാശവാദത്തെ ചോദ്യം ചെയ്ത് കോണ്ഗ്രസ് നേതാവ് സാം പിട്രോഡ. ശക്തമെന്നത് ജനാധിപത്യത്തിന് ഭൂഷണമല്ല. ഇക്കാര്യം ഇന്ത്യയിലെ ജനങ്ങള് തീരുമാനിക്കേണ്ടതുണ്ടെന്ന് സാം പിട്രോഡ പറഞ്ഞു.
ഹിറ്റലറും ശക്തനായിരുന്നു. എല്ലാ ഏകാധിപതികളും ശക്തന്മാരായിരുന്നു. ചൈനീസ് നേതാവും ശക്തനാണ്. ഇന്ത്യയ്ക്ക് വേണ്ടത് അത്തരത്തിലുളള ആളുകള് ആണോയെന്ന് സാം പിട്രോഡ ചോദിക്കുന്നു.
ബാലാക്കോട്ടിലെ ഭീകര താവളം ലക്ഷ്യമിട്ട് നടന്ന വ്യോമാക്രമണത്തില് 300 പേര് കൊല്ലപ്പെട്ടുവെന്നാണ് പറയുന്നത്. എങ്കില് ഇതിന്റെ സത്യാവസ്ഥ എല്ലാ ഇന്ത്യക്കാര്ക്കും അറിയേണ്ടതുണ്ടെന്നും അദ്ദേഹം പറഞ്ഞു. എന്താണ് യഥാര്ത്ഥത്തില് ആക്രമിച്ചത്. 300 പേരെ യഥാര്ത്ഥത്തില് കൊന്നുവോ എന്നും സാം പിട്രോഡ ചോദിച്ചു. ആരും കൊല്ലപ്പെട്ടിട്ടില്ലെന്നാണ് ആഗോള മാധ്യമങ്ങള് പറയുന്നത്.ഇന്ത്യന് പൗരന് എന്ന് പറയുന്നത് തന്നെ തനിക്ക് മോശമായി തോന്നുന്നുവെന്നും സാം പിട്രോഡ പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ