ചെന്നൈ: തന്റെ കൂടെ ജീവിക്കാന്‍ തയ്യാറല്ലെന്ന ഭാര്യയുടെ നിലപാടില്‍ കുപിതനായ ഭര്‍ത്താവ് മക്കളെ കൊലപ്പെടുത്തി. രണ്ടു മക്കളെ 300 അടി താഴ്ചയുളള മലയിടുക്കിലേക്ക് വലിച്ചെറിഞ്ഞാണ് 28കാരന്‍ കൊലപ്പെടുത്തിയത്. സംഭവത്തില്‍ എ സിരന്‍ജീവിയെ പൊലീസ് അറസ്റ്റ് ചെയ്തു.
തമിഴ്‌നാട് നാമക്കലിലെ കൊളളി ഹില്‍സിലാണ് സംഭവം. മക്കളെ കാണാനില്ലെന്ന് കാണിച്ച് ഭാര്യ നല്‍കിയ പരാതിയില്‍ നടത്തിയ അന്വേഷണത്തിലാണ് സംഭവത്തിന്റെ ചുരുളഴിഞ്ഞത്. എട്ടുവയസും അഞ്ചുവയസുമുളള മക്കളെയാണ് സിരന്‍ജീവി കൊളളി ഹില്‍സില്‍ 300 അടി താഴ്ചയുളള മലയിടുക്കിലേക്ക് വലിച്ചെറിഞ്ഞ് കൊലപ്പെടുത്തിയതെന്ന് പൊലീസ് പറയുന്നു.
ആറുമാസം മുന്‍പ് കുടുംബപ്രശ്‌നങ്ങളെ തുടര്‍ന്ന് ഭാര്യയുമായി അകന്ന് കഴിയുകയാണ് സിരന്‍ജീവി. സാധാരണ തൊഴിലാളിയാണ് സിരന്‍ജീവി. കുടുംബപ്രശ്‌നങ്ങളെ തുടര്‍ന്ന് മക്കളെയും കൂട്ടി ഭാര്യ ഭാഗ്യം അച്ഛന്റെ വീട്ടിലേക്ക് പോകുകയായിരുന്നുവെന്ന് പൊലീസ് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
