ഭോപ്പാൽ: കോവിഡ് പശ്ചാത്തലത്തിൽ മധ്യപ്രദേശിൽ സ്കൂളുകൾ തുറക്കുന്നത് വൈകും. 2021 മാർച്ച് 31 വരെ ഒന്ന് മുതൽ എട്ട് വരെയുള്ള ക്ലാസുകൾ തുറക്കില്ലെന്ന് മുഖ്യമന്ത്രി ശിവരാജ് സിംഗ് ചൗഹാൻ അറിയിച്ചു. വിദ്യാഭ്യാസ മന്ത്രിയുമായുള്ള അവലോകന യോഗത്തിനുശേഷമാണ് അദ്ദേഹം ഇക്കാര്യം അറിയിച്ചത്.
ഒന്ന് മുതൽ എട്ട് വരെയുള്ള ക്ലാസുകളിലെ കുട്ടികൾക്ക് പരീക്ഷകൾ നടത്തില്ല. പകരം ഇവരുടെ പ്രോജക്ടുകൾ വിലയിരുത്തും. 10, 12 ക്ലാസുകളിലെ വിദ്യാർഥികൾക്ക് പരീക്ഷകൾക്കായി ഉടൻ ക്ലാസുകൾ ആരംഭിക്കുമെന്നും അദ്ദേഹം പറഞ്ഞു.
ഒൻപത്, 11 ക്ലാസുകളിലെ വിദ്യാർഥികൾക്കായി ആഴ്ചയിൽ ഒന്നോ രണ്ടോ ദിവസവും ക്ലാസുകൾ നടത്തുമെന്ന് അദ്ദേഹം അറിയിച്ചു. കോവിഡ് മാർഗ നിർദേശങ്ങൾ പാലിച്ചായിരിക്കും ക്ലാസുകൾ ആരംഭിക്കുക.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ