ലക്നൗ: ഉത്തര്പ്രദേശില് ആളിക്കത്തുന്ന തൊഴുത്തില് കുടുങ്ങി കിടന്ന പശുക്കളെയും കിടാവുകളെയും രക്ഷിക്കാന് ശ്രമിക്കുന്നതിനിടെ 72കാരന് ദാരുണാന്ത്യം. തീ അണയ്ക്കുന്നതിനിടെ തൊഴുത്തിന്റെ ഒരു ഭാഗം വയോധികന്റെ മുകളിലേക്ക് തകര്ന്നുവീഴുകയായിരുന്നു. കന്നുകാലികളും ചത്തതായി പൊലീസ് പറയുന്നു.
ബഹ്റൈച്ച് നഗരത്തില് ശനിയാഴ്ച രാത്രിയാണ് സംഭവം. 72 വയസുള്ള ആര്യയാണ് തീ പൊള്ളലേറ്റ് മരിച്ചത്. തൊഴുത്തില് നിന്ന് തീയും പുകയും ഉയരുന്നത് ശ്രദ്ധയില്പ്പെട്ട ആര്യ പശുക്കളെയും കിടാവുകളെയും രക്ഷിക്കാന് ശ്രമിക്കുകയായിരുന്നു.
പശു തൊഴുത്തില് രണ്ട് പശുക്കളും ഒന്നിലധികം കിടാവുകളും ഉണ്ടായിരുന്നതായി പൊലീസ് പറയുന്നു. തീ അണയ്ക്കുന്നതിനിടെ തൊഴുത്തിന്റെ ഒരു ഭാഗം ഇടിഞ്ഞുവീണാണ് അപകടം ഉണ്ടായത്.തീ പൊള്ളലേറ്റാണ് ആര്യ മരിച്ചതെന്ന് പൊലീസ് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ