ന്യൂഡൽഹി; കൊറോണ ഭീതിക്കിടെ രാജ്യതലസ്ഥാനത്ത് മണിപ്പൂർ സ്വദേശിയായ യുവതിക്കു നേരെ വംശീയാധിക്ഷേപം. വഴിയിലൂടെ നടന്നു പോകുകയായിരുന്ന യുവതിയെ കൊറോണ എന്ന് വിളിച്ച് ആക്ഷേപിക്കുകയും ശരീരത്തിൽ തുപ്പുകയുമായിരുന്നു. യുവതിയുടെ പരാതിയിൽ പൊലീസ് കേസെടുത്തു.
കഴിഞ്ഞ ഞായറാഴ്ച രാത്രി ഡൽഹിയിലെ വിജയ് നഗറിലാണു സംഭവം. സ്കൂട്ടറിലെത്തിയ ആൾ അപ്രതീക്ഷിതമായി യുവതിയെ ആക്രമിക്കുകയായിരുന്നു. ഞെട്ടിക്കുന്നതാണെന്നു ഡൽഹി മുഖ്യമന്ത്രി അരവിന്ദ് കേജരിവാൾ പ്രതികരിച്ചു. കുറ്റക്കാരനെ എത്രയും വേഗം കണ്ടെത്തി കർശന നടപടിയെടുക്കാൻ നിർദേശം നൽകിയിട്ടുണ്ടെന്നും അദ്ദേഹം പറഞ്ഞു. സംഭവത്തിൽ ഐപിസി 509-ാം വകുപ്പ് പ്രകാരമാണ് പോലീസ് കേസ് രജിസ്റ്റർ ചെയ്തിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ