ദുബായ്: ഇന്ത്യയില് നിന്നുള്ളവര്ക്ക് യുഎഇയിലേക്ക് പ്രവേശന വിലക്ക്. ശനിയാഴ്ച മുതല് പത്ത് ദിവസത്തേക്കാണ് നിരോധനം. സ്ഥിതിഗതികള് വിലയിരുത്തിയ ശേഷം മാത്രം തീരുമാനം പുനഃപരിശോധിക്കും.
കഴിഞ്ഞ 14 ദിവസം ഇന്ത്യയില് തങ്ങുകയോ ഇതുവഴി ട്രാന്സിറ്റ് ചെയ്യുകയോ ചെയ്ത യാത്രക്കാരെയും യുഎഇയിലേക്ക് വരാന് അനുവദിക്കില്ല. ഇതു സംബന്ധിച്ച നിര്ദ്ദേശം വിമാനക്കമ്പനികള്ക്ക് നല്കിയതായി അറിയുന്നു.
ഇന്ത്യയിലെ കോവിഡ്19 വ്യാപനത്തിന്റെ പശ്ചാത്തലത്തിലാണ് നടപടി. ഇന്ത്യക്കാര്ക്ക് പ്രവേശന വിലക്കേര്പ്പെടുത്തുന്ന നാലാമത്തെ ഗള്ഫ് രാജ്യമാണ് യുഎഇ. എമിറേറ്റ്സ്, ഫ്ലൈ ദുബായ് എന്നിവയും വാര്ത്ത സ്ഥിരീകരിച്ചു. ഒമാനിലും 24 മുതല് പ്രവേശന വിലക്ക് ഉണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ