ഗോണ്ട: ഉത്തര്പ്രദേശില് വനിതാ പൊലീസുകാരിയെ സഹപ്രവര്ത്തകന് ബലാത്സംഗം ചെയ്തതായി പരാതി. സംഭവത്തില് കേസ് രജിസ്റ്റര് ചെയ്ത് അന്വേഷണം ആരംഭിച്ചതായി എസ്പി അറിയിച്ചു.
ജനുവരി പത്തിനായിരുന്നു കേസിനാസ്പദമായ സംഭവം. തന്റെ മുറികാണിച്ചു തരാമെന്ന വ്യാജേനെ വിളിച്ചുവരുത്തിയ ശേഷം ബലാത്സംഗം ചെയ്യുകയായിരുന്നുവെന്നാണ് യുവതിയുടെ പരാതി. തനിക്ക് വഴങ്ങിയില്ലെങ്കില് പ്രത്യാഘാതം വലിയതായിരിക്കുമെന്നും ഇയാള് യുവതിയെ ഭീഷണിപ്പെടുത്തി.
കോണ്സ്റ്റബളിനെതിരെ അന്വേഷണം ആരംഭിച്ചതായി എസ്പി ശൈലേഷ് കുമാര് പാണ്ഡെ പറഞ്ഞു. യുവതിയെ മെഡിക്കല് പരിശോധനയ്ക്ക് വിധേയയാക്കി. സംഭവത്തിന് പിന്നാലെ പ്രതി ഒളിവിലാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ