ഷിംല: ഹിമാചല് പ്രദേശില് ഉരുള്പൊട്ടലിനെ തുടര്ന്ന് വന് ദുരന്തം. 9പേര് മരിച്ചു. മലയില് നിന്ന് അടര്ന്നുവീണ കൂറ്റന് പാറക്കല്ലുകള് വന്നു പതിച്ച് പാലം തകര്ന്നു. കിന്നാവുര് ജില്ലയിലെ സാംഗ്ല വാലിയിലാണ് ദുരന്തമുണ്ടായത്. വിനോദയാത്രക്കെത്തിയവരാണ് മരിച്ചത്.
നിരവധി പേര് മണ്ണിനടിയില് കുടുങ്ങിയെന്നാണ് പ്രാഥമിക വിവരം. സംഭവ സ്ഥലത്ത് രക്ഷാപ്രവര്ത്തനം തുടരുകയാണ്. ഭീമന് കല്ലുകള് മലമുകളില് നിന്ന് അടര്ന്നുവീഴുന്ന ഞെട്ടിക്കുന്ന വീഡിയോ വാര്ത്താ ഏജന്സിയായ എഎന്ഐ പുറത്തുവിട്ടിട്ടുണ്ട്.
പാലത്തിന് മുകളില് വീണ കല്ലുകതള് നദിയിലേക്കും സമീപത്തെ റോഡിലേക്കും തെറിച്ചുവീഴുന്നത് വീഡിയോയില് കാണാം. കഴിഞ്ഞ ദിവസങ്ങളായി ഹിമാചലില് കനത്ത മഴയാണ് തുടരുന്നത്. നിരവധി പ്രദേശങ്ങളില് സമാനമായ രീതിയില് ഉരുള്പൊട്ടിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ