മുംബൈ: അസുഖവും ചികിത്സയും താങ്ങാനാവാതെ കിടപ്പുരോഗിയായ ഭാര്യയെ ഭർത്താവ് കൊന്നു. ബ്രെയിൻ ട്യൂമർ ബാധിച്ച സ്ത്രീയെയാണ് 45കാരനായ ഇവരുടെ ഭർത്താവ് കുത്തികൊന്നത്. മഹാരാഷ്ട്രയിലെ പർഭാനിയിലാണ് സംഭവം.
ശനിയാഴ്ചയാണ് കൊലപാതകം നടന്നത്. കൊലപാതകം നടത്തിയതിന് ശേഷം വീട്ടിൽ നിന്ന് ഇറങ്ങി രക്തം പുരണ്ട വസ്ത്രങ്ങൾ ഇയാൾ വലിച്ചെറിഞ്ഞു. രക്തക്കറ പുരണ്ട വസ്ത്രങ്ങൾ നാട്ടുകാരിൽ ചിലർ കാണുകയും ഇവർ പൊലീസിനെ വിവരമറിയിക്കുകയുമായിരുന്നു.
ഭാര്യയെ ശുശ്രൂഷിച്ച് മടുത്തെന്നും അസുഖവും ചികിത്സയും കാരണമാണ് കൊന്നതെന്നും പ്രതി പൊലീസിനോട് പറഞ്ഞു. 302 (കൊലപാതകം) ഉൾപ്പെടെയുള്ള വകുപ്പുകൾ പ്രകാരം പ്രതിക്കെതിരെ കേസെടുത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ