ചെന്നൈ: പിഞ്ചുകുഞ്ഞിന്റെ തല കടിച്ചെടുത്ത് നായ നടുറോഡില്‍. മധുരയിലെ ബീബിക്കുളത്താണ് സംഭവം. ബാങ്കില്‍ പണമെടുക്കാന്‍ വന്നയാളുടെ ശ്രദ്ധയില്‍പ്പെട്ടതിന് പിന്നാലെ ഇക്കാര്യം പൊലീസിനെ അറിയിക്കുകയായിരുന്നു.
ഉച്ചയ്ക്ക് 12 മണിക്ക് ശേഷമാണ് സംഭവം. ബുധനാഴ്ച ഉച്ചയോടെ ബീബിക്കുളത്തുള്ള ഇന്ത്യന്‍ ബാങ്കിന്റെ എടിഎമ്മില്‍ നിന്ന് ഇയാള്‍ പണം എടുത്ത് ഇറങ്ങുന്നതിനെ നായ കുഞ്ഞിന്റെ തലയുമായി നടക്കുന്നത് ശ്രദ്ധയില്‍പ്പെടുകായിരുന്നു. ചെളിപുരുണ്ട നിലയിലായിരന്നു കഞ്ഞിന്റെ ശരീരം. സംഭവം ഉടന്‍ തന്നെ യുവാവ് പൊലീസില്‍ അറിയിച്ചു. വിവരം അറിഞ്ഞ് ഉടന്‍ തന്നെ പൊലീസും സ്ഥലത്തെ വില്ലേജ് ഓഫീസറും സ്ഥലത്തെത്തുകയായിരുന്നു.
കുട്ടിയുടെ തല സര്‍ക്കാര്‍ ആശുപത്രിയില്‍ സൂക്ഷിച്ചിരിക്കുകയാണ്. മരിച്ച കുട്ടിയെ തിരിച്ചറിയാനായിട്ടില്ല. അന്വേഷണം പുരോഗമിക്കുകയാണെന്നും പൊലീസ് പറഞ്ഞു. കുഞ്ഞിന്റെ കടിച്ചെടുത്ത തലയുമായി ഒരു നായ തെരുവിലൂടെ നടക്കുന്നുണ്ടെന്ന് ഉച്ചയ്ക്കാണ് സേ്റ്റഷനില്‍ വിവരം ലഭിച്ചതെന്ന് തല്ലാകുളം എസ്‌ഐ പറഞ്ഞു. അതേസമയം സമീപത്തെ ഏതെങ്കിലും വീട്ടില്‍ നിന്ന് നായ കുഞ്ഞിനെ കടിച്ചെടുത്തതാകാന്‍ വഴിയില്ലെന്നാണ് പൊലീസ് പറയുന്നത്. ജനിച്ച ഉടന്‍ മാതാപിതാക്കള്‍ വഴിയോരത്ത് ഉപേക്ഷിച്ച കുട്ടിയെയാകും നായ കടിച്ചെടുത്തതെന്ന നിഗമനത്തിലാണ് പൊലീസ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
