താനെ: താനെയിൽ ആശുപത്രിയിലുണ്ടായ തീപിടുത്തത്തിൽ നാല് രോഗികൾ മരിച്ചു. മുംബ്രയിലെ പ്രൈംക്രിട്ടികെയര് ആശുപത്രിയിലായിരുന്നു തീപിടുത്തം. വെന്റിലേറ്ററില് ഉണ്ടായിരുന്ന രോഗികളാണ് മരിച്ചത്. രോഗികളെ മറ്റ് ആശുപത്രികളിലേക്ക് മാറ്റുന്നതിനിടെയായിരുന്നു മരണം സംഭവിച്ചത്.
ഇന്ന് പുലർച്ചെ 3.40ഓടെയാണ് അപകടമുണ്ടായത്. ഇരുപതോളം രോഗികളെ ആശുപത്രിയില് നിന്ന് മാറ്റി. തീയണയ്ക്കാനുള്ള ശ്രമം തുടരുകയാണ്. ആശുപത്രിയിലെ മീറ്റർ റൂമിലുണ്ടായ ഷോട്ട് സർക്യൂട്ടാണ് അപകടത്തിന് കാരണമായതെന്നാണ് പ്രാഥമിക നിഗമനം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ