ചെന്നൈ: വിദ്യാര്ഥികള്ക്ക് നേരെ ലൈംഗികാതിക്രമം നടത്തിയ അധ്യാപകന് അറസ്റ്റില്. തമിഴ്നാട്ടിലെ രാമനാഥപുരം ജില്ലയിലെ സര്ക്കാര് അധ്യാപകനാണ് അറസ്റ്റിലായത്. ഒമ്പത്, പത്ത് ക്ലാസുകളിലെ 15 വിദ്യാര്ഥിനികളാണ് അധ്യാപകനെതിരേ പരാതി നല്കിയത്.
ശിശുക്ഷേമ വകുപ്പ് സ്കൂളില് നടത്തിയ ബോധവത്കരണ പരിപാടിയിലാണ് കുട്ടികള് അധ്യാപകന്റെ ലൈംഗികാതിക്രമങ്ങള് വെളിപ്പെടുത്തിയത്. പതിനഞ്ചോളം വിദ്യാര്ഥികളാണ് അധ്യാപകനെതിരെ പരാതി നല്കിയതെന്ന് പൊലീസ് പറഞ്ഞു.
ഗണിതം, സാമൂഹ്യ ശാസ്ത്ര അധ്യാപകരായ രണ്ടു പേര്ക്കെതിരെയാണ് വിദ്യാര്ഥിനികള് ആരോപണം ഉന്നയിച്ചത്. ക്ലാസ് എടുക്കുമ്പോള് ദ്വയാര്ഥ പരാമര്ശം നടത്തുന്നു, അനുചിതമായി ശരീരത്തില് സ്പര്ശിക്കുന്നു, സ്കൂള് വിട്ട് വീട്ടിലെത്തിയ ശേഷം ഫോണില് വിളിക്കുന്നു തുടങ്ങിയ ആരോപണങ്ങളാണ് കുട്ടികള് ഉന്നയിച്ചത്.
വിദ്യാര്ഥിനികളുടെ പരാതിയുടെ അടിസ്ഥാനത്തില് സാമൂഹ്യ ശാസ്ത്ര അധ്യാപകനെയാണ് പോലീസ് ഞായറാഴ്ച പിടികൂടിയത്. രണ്ടാമത്തെ പ്രതിക്കായുള്ള തിരച്ചില് തുടരുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ