'ഒത്തുപിടിച്ചാല്‍ ലോറിയും പോരും'; മലയിടുക്കില്‍ വീണ ട്രക്ക് നാട്ടുകാര്‍ ചേര്‍ന്ന് വടംകെട്ടി വലിച്ചുകയറ്റി, അഭിനന്ദന പ്രവാഹം ( വീഡിയോ)
By സമകാലിക മലയാളം ഡെസ്‌ക്‌ | Published: 11th January 2021 11:05 AM |
Last Updated: 11th January 2021 11:05 AM | A+A A- |
മലയിടുക്കില്‍ വീണ ട്രക്ക് നാട്ടുകാര്‍ ചേര്‍ന്ന് വടംകെട്ടി വലിച്ചുകയറ്റുന്നു
കോഹിമ: നാഗാലാന്‍ഡില്‍ മലയിടുക്കില്‍ വീണ ട്രക്ക് നാട്ടുകാര്‍ ചേര്‍ന്ന് വടം കെട്ടി വലിച്ചുകയറ്റുന്ന വീഡിയോ വൈറലാകുന്നു.നൂറ് കണക്കിന് ആളുകള്‍ ചേര്‍ന്ന് ട്രക്ക് വലിച്ചുകയറ്റുന്നതാണ് വീഡിയോയിലുള്ളത്.
ഇഞ്ചിയുമായി പോകുകയായിരുന്ന ട്രക്കാണ് അപകടത്തില്‍പ്പെട്ടത്. നിയന്ത്രണം വിട്ട് റോഡില്‍ നിന്ന് മലയുടെ താഴ്‌വരയിലേക്ക് ട്രക്ക് വീഴുകയായിരുന്നു. നേരിയ പരിക്കുകളോടെ ഡ്രൈവര്‍ അത്ഭുതകരമായി രക്ഷപ്പെട്ടു.
തുടര്‍ന്ന് നാട്ടുകാര്‍ ചേര്‍ന്ന് വടംകെട്ടി ട്രക്ക് വലിച്ചുകയറ്റുന്നതാണ് ദൃശ്യങ്ങളില്‍ ഉള്ളത്. ട്രക്ക് കയറ്റാന്‍ മറ്റു ആധുനിക സംവിധാനങ്ങള്‍ കിട്ടാതായതോടെ, നാട്ടുകാര്‍ വടംകെട്ടി ട്രക്ക് വലിച്ചുകയറ്റുകയായിരുന്നു. നാട്ടുകാരുടെ സഹകരണത്തിന് സോഷ്യല്‍മീഡിയയില്‍ അടക്കം അഭിനന്ദന പ്രവാഹമാണ്.
In a village in Nagaland (not yet identified) the entire community pulls up a truck which fell off the road with ropes & the spirit of unity!
— Mmhonlumo Kikon (@MmhonlumoKikon) January 10, 2021
More information awaited! As received on WhatsApp! pic.twitter.com/B0joxEPEKU
