മുംബൈ: സംഗീത നിര്‍മാണ കമ്പനിയായ ടി സീരീസിന്റെ എംഡി ഭൂഷണ്‍ കുമാറിനെതിരെ ബലാത്സംഗക്കേസ്. ടി സീരീസ് കമ്പനിയുടെ സ്ഥാപകന്‍ ഗുല്‍ഷന്‍ കുമാറിന്റെ മകനായ ഭൂഷണ്‍ കുമാറിനെതിരെ മുംബൈ പൊലീസാണ് കേസ് ഫയല്‍ ചെയ്തത്.
ജോലി വാഗ്ദാനം നല്‍കി ഭൂഷണ്‍ ബലാത്സംഗം ചെയ്തതായി ഒരു യുവതി നല്‍കിയ പരാതിയുടെ അടിസ്ഥാനത്തിലാണ് കേസ് രജിസ്ട്രര്‍ ചെയ്തിരിക്കുന്നത്. ടീ സീരീസ് കമ്പനിയില്‍ വരാന്‍ പോകുന്ന പുതിയ പ്രൊജക്ടുകളുമായി ബന്ധപ്പെട്ട് ജോലി വാഗ്ദാനം നല്‍കിയാണ് ഭൂഷണ്‍ ബലാത്സംഗം ചെയ്തതെന്ന് 30കാരി നല്‍കിയ പരാതിയില്‍ പറയുന്നു.
വിളിച്ചു വരുത്തി തന്നെ വഞ്ചിക്കുകയായിരുന്നുവെന്നും യുവതി നല്‍കിയ പരാതിയയിലുണ്ട്. ഭൂഷണെതിരെ ബലാത്സംഗം, വഞ്ചന, ക്രിമിനല്‍ കുറ്റങ്ങള്‍ ചുമത്തിയാണ് കേസെടുത്തിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
