മുന്നില് കടുവ, രണ്ടു കാലില് ഊന്നി നിന്ന് കരടിയുടെ ശക്തിപ്രകടനം; ഒടുവില്- വീഡിയോ
വന്യജീവികളുമായി ബന്ധപ്പെട്ട് നിരവധി രസകരമായതും പേടിപ്പെടുത്തുന്നതുമായ വീഡിയോകളാണ് ഓരോ ദിവസവും പുറത്തുവരുന്നത്. ഇപ്പോള് കടുവയും കരടിയും നേര്ക്കുനേര് വരുന്ന ദൃശ്യങ്ങളാണ് സോഷ്യല്മീഡിയയില് വൈറലാകുന്നത്.
സുശാന്ത നന്ദ ഐഎഫ്എസ് ആണ് വീഡിയോ പങ്കുവെച്ചത്. കരടിയും കടുവയും തമ്മില് അടുത്തനിമിഷം ഏറ്റുമുട്ടും എന്ന് തോന്നിപ്പിക്കുന്നതാണ് ദൃശ്യങ്ങളുടെ ഉള്ളടക്കം. എന്നാല് ഇരുവരും പരസ്പരം ആക്രമിക്കാതെ അവരവരുടെ വഴിക്ക് പോകുന്നതാണ് വീഡിയോയിലുള്ളത്.
കടുവ നടന്നുനീങ്ങുന്നതാണ് വീഡിയോയുടെ തുടക്കത്തില്. തൊട്ടുപിന്നാലെയാണ് കരടി എത്തുന്നത്. കടുവ തിരിഞ്ഞതോടെ ഇവ രണ്ടും തമ്മില് അടുത്തനിമിഷം ഏറ്റുമുട്ടല് ഉണ്ടാവുമെന്ന് തോന്നിപ്പിച്ചു. കടുവ ആക്രമിക്കുമെന്ന് ഭയന്ന് മുന്കരുതല് എന്ന നിലയില് രണ്ടു കാലില് ഊന്നി നിന്ന്് എന്തിനും തയ്യാറെന്ന മട്ടില് കരടി ശക്തിപ്രകടനം നടത്തി.
ഇതോടെ കടുവ നടത്തം നിര്ത്തി, നടന്നുവന്ന പാതയില് തന്നെ ഇരിപ്പുറപ്പിച്ചു.ആക്രമിക്കാന് കടുവ മുതിരില്ലെന്ന് മനസിലായെങ്കിലും വഴിയില് നിന്ന് മാറാന് കൂട്ടാക്കാതെയായിരുന്നു കടുവയുടെ പ്രകൃതം. ഒടുവില് കരടി മറ്റൊരു വഴിയിലൂടെ ഓടി മറയുന്നതാണ് വീഡിയോയുടെ അവസാനം.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ