ന്യൂഡല്‍ഹി: കിഴക്കന്‍ ലഡാക്ക് അതിര്‍ത്തിയില്‍ ചൈനീസ് സേനയ്‌ക്കെതിരെ നാട്ടുകാരായ ആട്ടിടയന്മാര് പ്രതിഷേധവുമായി രംഗത്തെത്തി. 'ഇത് ഇന്ത്യയുടെ സ്ഥലമാണ്' എന്നു പറഞ്ഞ് സൈനികരുമായി ഇവര്‍ തര്‍ക്കിക്കുന്നതിന്റെ വിഡിയോ ദൃശ്യങ്ങള്‍ പുറത്തുവന്നു.
സൈനികര്‍ക്കെതിരെ കല്ലെടുക്കുന്നതും ദൃശ്യങ്ങളിലുണ്ട്.പാംഗോങ് തടാകത്തിന്റെ വടക്കുള്ള അതിര്‍ത്തി മേഖലയിലാണു സംഭവം. 2020 ല്‍ ഇന്ത്യന്‍ ഭാഗത്തേക്കു ചൈനീസ് സേന അതിക്രമിച്ചു കയറിയതു മുതല്‍ ഈ പ്രദേശത്ത് ആടുകളെ മേയ്ക്കുന്നതിനു വിലക്കുണ്ട്. ഇതു വകവയ്ക്കാതെ എത്തിയവരണ് ഇവര്‍.
മാതൃഭൂമി സംരക്ഷിക്കാന്‍ ആട്ടിടയന്മാര് രംഗത്തിറങ്ങുന്ന കാഴ്ച ആവേശകരമാണെന്നും ഇന്ത്യന്‍ സേന പകര്‍ന്ന ധൈര്യമാണ് അതിനു വഴിയൊരുക്കിയതെന്നും അതിര്‍ത്തി പ്രദേശമായ ചുഷൂല്‍ കൗണ്‍സിലര്‍ കൊഞ്ചൊക് സ്റ്റാന്‍സിന്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
