ന്യൂഡല്ഹി: കോവിഡ് മഹാമാരിയുടെ പശ്ചാത്തലത്തില് ശമ്പളം വേണ്ടെന്നു വച്ച് റിലയന്സ് മേധാവി മുകേഷ് അംബാനി. കഴിഞ്ഞ സാമ്പത്തിക വര്ഷം മുകേഷ് അംബാനി പ്രതിഫലമൊന്നും സ്വീകരിച്ചിട്ടില്ലെന്ന് റിലയന്സ് ഇന്ഡസ്ട്രീസ് വാര്ഷിക റിപ്പോര്ട്ടില് അറിയിച്ചു.
കഴിഞ്ഞ വര്ഷം 15 കോടി രൂപയായിരുന്നു മുകേഷ് അംബാനിയുടെ ശമ്പളം. പതിനൊന്നു വര്ഷമായി ഇതേ ശമ്പളമാണ് മുകേഷ് അംബാനി സ്വീകരിക്കുന്നതെന്നും റിപ്പോര്ട്ടില് പറയുന്നു.
കോവിഡ് മാഹാമാരിയുടെ പശ്ചാത്തലത്തില് ചെയര്മാന് പ്രതിഫലമൊന്നും സ്വീകരിച്ചിട്ടില്ലെന്നാണ് കമ്പനി അറിയിച്ചിട്ടുള്ളത്. മുകേഷിന്റെ മുറസഹോദരന്മാരായ നിഖില്, ഹിതാലാല് മേസ്വാനി എന്നിവരുടെ ശമ്പളം 17 കോടി കമ്മിഷന് ഉള്പ്പെടെ 24 കോടി വീതം തന്നെയായി തുടരും.
എക്സിക്യൂട്ടിവ് ഡയറക്ടര്മാരായ പിഎംസ് പ്രസാദ്, പവന് കുമാര് കപില് എന്നിവരുടെ ശമ്പളം 11.99 കോടി, 11.15 കോടി എന്നിങ്ങനെയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ