സ്‌നേഹപൂര്‍വ്വമായ ഒരു ആലിംഗനത്തിന് നിങ്ങളിലെന്ത് മാറ്റമുണ്ടാക്കാനാവും എന്ന് കാണിച്ചു തരികയാണ് ട്വിറ്ററില്‍ വൈറലായിക്കൊണ്ടിരിക്കുന്ന ഈ കുഞ്ഞന്‍ വീഡിയോ.
ബാസ്‌കറ്റില്‍ ബോളിടാന്‍ ശ്രമിക്കുന്ന അനിയത്തിയെ പ്രോത്സാഹിപ്പിക്കുന്ന 'കുഞ്ഞിച്ചേട്ടന്റെ' വീഡിയോയാണിത്. നീളം കുറവായതിനാല്‍ അനിയത്തി ഇടുന്ന ബോളുകളെല്ലാം ബോക്‌സില്‍ തട്ടി പുറത്തേക്ക് പോകുന്നു. ഇതില്‍ നിരാശയായി കരയുന്ന അനിയത്തിയെ കെട്ടിപ്പിടിച്ച് ഉമ്മവച്ച ശേഷം , നീ മിടുക്കിയാണ്, സ്‌ട്രോങാണ് ഒന്നൂടെ ശ്രമിക്കൂവെന്ന് പറയുകയാണ് മൂത്ത കുട്ടി. വീണ്ടും ബാസ്‌കറ്റിലിടാന്‍ ശ്രമിക്കുന്ന അനിയത്തിയെ എടുത്ത് ഉയര്‍ത്തി സഹായിക്കാനും 'ബിഗ് ബ്രദര്‍' മടിക്കുന്നില്ല.
'ബ്രദര്‍ ഓഫ് ദ ഇയര്‍' എന്നാണ് ട്വിറ്ററേനിയന്‍സ് ഈ കുഞ്ഞിപ്പയ്യനെ വിശേഷിപ്പിക്കുന്നത്. എത്ര നിരാശരായിരുന്നാലും പ്രോത്സാഹനം നല്‍കുന്ന ഒരു വാക്കിനും ചേര്‍ത്ത് പിടിക്കലിനും ജീവിതം തന്നെ മാറ്റിമറിക്കാന്‍ കഴിയുമെന്നും പുഞ്ചിരിയോടെ പ്രതിസന്ധികളെ നേരിടാന്‍ കരുത്ത് നല്‍കുമെന്നുമാണ് വീഡിയോ പറയുന്നത്.
Brother of the year
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
