ക്ഷേത്രത്തിൽ തൊഴുതു മടങ്ങുന്നവരെ അനുഗ്രഹിച്ച് വിടുന്ന തെരുവുനായ. മഹാരാഷ്ട്രയിലെ സിദ്ധിവിനായക് ക്ഷേത്രത്തിലാണ് ഈ കൗതുക കാഴ്‌ച. ക്ഷേത്രന് പുറത്ത് ഉയരം കൂടിയ ഒരു നടയിൽ നായ ഉണ്ടാവും. തൊഴുതു മടങ്ങുന്നവരെ പിടിച്ചു നിർത്തി കൈ കൊടുക്കും. തല കുമ്പിടുന്നവർക്ക് അനുഗ്രഹവും നൽകും.
ക്ഷേത്രത്തിന് പുറത്തേക്കു വരുന്ന യുവാവിനെ നായ തലയിൽ തൊട്ട് അനുഗ്രഹിക്കുന്നുണ്ട്. നായയെ ചുംബിച്ച ശേഷമാണ് ഇയാൾ പോകുന്നത്. പിന്നാലെ വരുന്ന സ്ത്രീക്ക് കൈ കൊടുത്തു. തന്നെ ഗൗനിക്കാതെ പോയ അടുത്തയാളെ കൈകാണിച്ച് നിർത്താനും നായ ശ്രമിക്കുന്നുണ്ട്. സോഷ്യൽമീഡിയയിൽ വൈറലാകുന്ന വിഡിയോയ്‌ക്ക് താഴെ നിരവധി ആളുകളാണ് കമന്റ് ചെയ്‌തത്.
'ഹൃദയം തൊടുന്ന കാഴ്‌ച' എന്നായിരുന്നു ഒരാളുടെ കമന്റ്. 'തീർച്ചയായും ആ നായയെ ആരോ നല്ലരീതിയിൽ പരിപാലിച്ചിട്ടുണ്ടെന്നാണ് മറ്റൊരാളുടെ കമന്റ്. ചിലരാകട്ടെ 'ദൈവം ഏതു രീതിയിലും വരാം' എന്നായിരുന്നു എഴുതിയിരുന്നു. ലക്ഷക്കണക്കിന് ആളുകളാണ് വിഡിയോ ഇതിനോടകം കണ്ടത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
