വന്യമൃഗങ്ങള്‍ ജനവാസകേന്ദ്രത്തില്‍ എത്തുന്നത് ഇന്ന് നിത്യസംഭവമായി മാറിയിട്ടുണ്ട്. അടുത്തകാലത്തായി ജനവാസകേന്ദ്രത്തില്‍ വന്യമൃഗങ്ങള്‍ എത്തുന്നത് വര്‍ധിച്ചിട്ടുണ്ട്. കാലാവസ്ഥ, പരിസ്ഥിതി പ്രശ്‌നങ്ങള്‍ അടക്കം നിരവധി കാരണങ്ങളാണ് ഇതുമായി ബന്ധപ്പെട്ട് വിദഗ്ധര്‍ ചൂണ്ടിക്കാണിക്കുന്നത്.
ജനവാസകേന്ദ്രത്തില്‍ ഒരു പുലി ഇറങ്ങി എന്ന് കേട്ടാല്‍ തന്നെ ഭയമാണ്. അപ്പോള്‍ മൂന്ന് പുലികള്‍ ഇറങ്ങിയെന്ന് കേട്ടാലോ! ഇപ്പോള്‍ തെരുവിലൂടെ മൂന്ന് പുലികള്‍ കൂട്ടത്തോടെ നടന്നുനീങ്ങുന്ന കാഴ്ചകളാണ് സോഷ്യല്‍മീഡിയയില്‍ വ്യാപകമായി പ്രചരിക്കുന്നത്.
സുശാന്ത നന്ദ ഐഎഫ്എസ് ആണ് വീഡിയോ പങ്കുവെച്ചത്. മനുഷ്യവാസ കേന്ദ്രങ്ങളില്‍ സാഹചര്യവുമായി ഇണങ്ങി ജീവിക്കാന്‍ കഴിയുന്ന വന്യജീവികളില്‍ ആദ്യ സ്ഥാനത്ത് പുലി വരുമെന്ന് സൂചിപ്പിച്ചാണ് സുശാന്ത നന്ദ വീഡിയോ പങ്കുവെച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
