ദുബൈ : ഏഷ്യാ കപ്പ് ക്രിക്കറ്റില്‍ ഇന്ത്യയ്‌ക്കെതിരെ ഹോങ്കോങിന് 286 റണ്‍സ് വിജയലക്ഷ്യം. 105 പന്തുകളില്‍ നിന്ന് സെഞ്ചുറി നേടിയ ശിഖര്‍ ധവാനാണ് ഇന്ത്യയ്ക്ക് മെച്ചപ്പെട്ട സ്‌കോര്‍ സമ്മാനിച്ചത്. 50 ഓവറില്‍ ഏഴ് വിക്കറ്റ് നഷ്ടത്തില്‍ 285 റണ്‍സാണ് ഇന്ത്യ നേടിയത്.
ധോണി ' സംപൂജ്യ' നായി മടങ്ങിയ മത്സരത്തില്‍ റായിഡുവും ധവാനും ഇന്ത്യയെ ചുമലിലേറ്റുകയായിരുന്നു. ടോസ് നഷ്ടപ്പെട്ട് ബാറ്റിങിനിറങ്ങിയ ഇന്ത്യ 45 റണ്‍സിലെത്തിയപ്പോള്‍ രോഹിത് ശര്‍മ്മ മടങ്ങി. കരിയറിലെ 14 ആം ഏകദിന സെഞ്ചുറിയാണ് ധവാന് നേടിയത്.മൂന്നേ മൂന്ന് പന്തുകളാണ് ധോണി നേരിട്ടത് മൂന്നാമത്തെ പന്തില്‍ മക്കെച്‌നിയുടെ കൈക്കുള്ളില്‍ ധോനിയുടെ ബാറ്റിങ് അവസാനിച്ചു.
ദിനേഷ് കാര്‍ത്തിക്(33), ഭുവനേശ്വര്‍ കുമാര്‍ (9),ഷാര്‍ദൂല്‍ താക്കൂര്‍(0) എന്നിവരാണ് പുറത്തായ മറ്റുള്ളവര്‍. വിരാട് കോഹ്ലിയില്ലാതെ ഏഷ്യാ കപ്പ് കളിക്കാനിറങ്ങിയ ഇന്ത്യയുടെ ആദ്യമത്സരമാണിത്.
കിഞ്ചിത്ത് ഷായാണ് ഹോങ്കോങിനായി മൂന്ന് വിക്കറ്റ് നേടിയത്യ എഹ്‌സാന്‍ഖാന്‍ രണ്ടും ഐസാസ്, എഹ്‌സാന്‍ എന്നിവര്‍ ഓരോ വിക്കറ്റും നേടി. ആദ്യകളി പരാജയപ്പെട്ട ഹോങ്കോങിനെ സംബന്ധിച്ച് ഇന്നത്തെ മത്സരം അതീവ നിര്‍ണായകമാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
