കൊൽക്കത്ത: പരുക്കിനെ തുടർന്ന് ദക്ഷിണാഫ്രിക്കൻ പേസർ ആൻ റിച്ച് നോർത്തെ നാട്ടിലേക്ക് മടങ്ങിയതോടെ മറ്റൊരു താരത്തെ ടീമിലെത്തിച്ച് കൊൽക്കത്ത നൈറ്റ്റൈഡേഴ്സ്. ഓസ്ട്രേലിയൻ പേസ് ബൗളർ മാറ്റ് കെല്ലിയാണ് നെർത്തെയുടെ പകരക്കാരൻ.
ഇതുവരെ ഓസീസ് ദേശീയ ടീമിൽ കളിച്ചിട്ടില്ലാത്ത കെല്ലി ബിഗ് ബാഷ് ടി20യിലൂടെയാണ് ശ്രദ്ധേയനായത്. ബിഗ് ബാഷ് ലീഗിൽ പെർത്ത് സ്കോർച്ചേഴ്സിന്റെ താരമാണ് കെല്ലി. ഇതാദ്യമായാണ് താരം ഐപിഎൽ കളിക്കാനെത്തുന്നത്.
വലം കൈയ്യൻ പേസ് ബൗളറായ കെല്ലി 16 ഫസ്റ്റ് ക്ലാസ് മത്സരങ്ങളും, അഞ്ച് ലിസ്റ്റ് എ മത്സരങ്ങളും, 12 ടി20 മത്സരങ്ങളുമാണ് കളിച്ചിട്ടുള്ളത്. കെല്ലി എത്തുന്നതോടെ കൊൽക്കത്തയുടെ ബൗളിങിന് കൂടുതൽ വൈവിധ്യം ഉണ്ടാകും.
ഈ സീസൺ ഐപിഎല്ലിൽ പരുക്ക് ഏറ്റവും വലിയ തിരിച്ചടികൾ നൽകിയ ടീമുകളിലൊന്നാണ് കൊൽക്കത്ത നൈറ്റ് റൈഡേഴ്സ്. നോർത്തെയ്ക്ക് പുറമേ, ശിവം മവി, കമലേഷ് നാഗർകൊട്ടി തുടങ്ങിയ താരങ്ങളും പരുക്കിനെ തുടർന്ന് ടീമിന് പുറത്താണിപ്പോൾ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ