'എനിക്കാണോ ടോസ്? ശീലമില്ലല്ലോ'; ടോസ് ജയിച്ചിട്ടും അറിയാതെ വിരാട് കോഹ്ലി
മുംബൈ: ടോസും വിരാട് കോഹ് ലിയും തമ്മില് അത്ര നല്ല ബന്ധമല്ല. ഇംഗ്ലണ്ടിനെതിരായ പരമ്പരയില് തുടരെ ആറ് വട്ടമാണ് കോഹ് ലിക്ക് ടോസ് നഷ്ടമായത്. എന്നാല് അവിചാരിതമായി ടോസ് തനിക്ക് ലഭിച്ചിട്ടും അത് അറിയാതെ പോവുകയായിരുന്നു രാജസ്ഥാനെതിരായ കളിയില് കോഹ് ലി.
കോഹ് ലി ടോസ് ഇട്ടപ്പോള് ടെയ്ല്സ് ആയിരുന്നു സഞ്ജു വിളിച്ചത്. വീണത് ഹെഡും. ടോസ് നേടിയ കോഹ് ലി ഇതറിയാതെ സഞ്ജുവിനെ സംസാരിക്കാനായി വിട്ടു. അവതാരകനായി നിന്ന ഇയാന് ബിഷപ്പ് സഞ്ജുവിനോട് ബാറ്റിങ് ആണോ ബൗളിങ് ആണോയെന്ന് ചോദിച്ചു.
ഈ സമയമാണ് പൊടുന്നനെ കോഹ്ലി ടോസ് വീണത് തനിക്കാണെന്ന് തിരിച്ചറിഞ്ഞത്. ടോസ് ജയിച്ച് ശീലമില്ലാത്തതിനാലാണ് എന്നാണ് കോഹ് ലി ചിരിച്ചു കൊണ്ട് മറുപടിയായി പറഞ്ഞത്. പിന്നാലെ ബൗളിങ് തെരഞ്ഞെടുക്കുന്നതായി വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ