പാരീസ്: സൂപ്പര് താരം മെസി ഇന്ന് പിഎസ്ജിക്ക് വേണ്ടി അരങ്ങേറ്റം കുറിച്ചേക്കും. റെയിംസിന് എതിരായ പിഎസ്ജി സ്ക്വാഡില് മെസിയുടെ പേര് ഉള്പ്പെടുത്തിയതോടെ അരങ്ങേറ്റം ഇന്നുണ്ടാവും എന്ന റിപ്പോര്ട്ടുകളാണ് വരുന്നത്.
ഇന്ന് പിഎസ്ജിയുടെ മത്സരം കഴിഞ്ഞാല് ലോകകപ്പ് യോഗ്യതാ മത്സരങ്ങള്ക്കായി മെസി അര്ജന്റീനിയന് ടീമിനൊപ്പം ചേരും. ഇന്ന് പിഎസ്ജിക്കായി അരങ്ങേറ്റം കുറിക്കാനായില്ലെങ്കില് പിഎസ്ജി ആരാധകരുടെ കാത്തിരിപ്പ് നീളും. സെപ്തംബര് 12നാവും പിന്നെ മെസിക്ക് പിഎസ്ജിക്ക് വേണ്ടി കളിക്കാനാവുക.
മൂന്ന് ആഴ്ച മുന്പാണ് പിഎസ്ജി മെസിയെ സ്വന്തമാക്കിയത്. റെയിംസിന്റെ തട്ടകത്തിലാണ് മത്സരം. മെസി സ്റ്റാര്ട്ടിങ് ഇലവനില് ഉണ്ടാവുമോയെന്ന ചോദ്യത്തിന് കോച്ച് മൗറിഷ്യോ പൊച്ചെറ്റീനോ വ്യക്തമായ മറുപടി നല്കിയിട്ടില്ല. വിശദമായി ആലോചിച്ചതിന് ശേഷമേ തീരുമാനം എടുക്കുകയുള്ളു എന്നായിരുന്നു അദ്ദേഹത്തിന്റെ മറുപടി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ