തിരുവനന്തപുരം: സ്പെയിനിലെ ഫുട്ബോള് ക്ലബില് പരിശീലനത്തിന് അവസരം ലഭിച്ചിട്ടും സാമ്പത്തിക പ്രയാസങ്ങള് പിന്നോട്ടടിക്കുകയായിരുന്നു ആദര്ശിനെ. മാഡ്രിഡിലേക്ക് പറക്കാനായി ആദര്ശിനെ സഹായിക്കാന് നാടൊരുങ്ങിയപ്പോള് ഒപ്പം ചേര്ന്ന് ക്രിക്കറ്റ് താരം സഞ്ജു സാംസണ്.
സ്പെയ്നിലെ മൂന്നാം ഡിവിഷന് ക്ലബായ ഡിപ്പോര്ട്ടീവോ ലാ വിര്ജെന് ഡെല് കാമിനോവിലാണ് ആദര്ശിന് പരിശീലനത്തിന് അവസരം ലഭിച്ചത്. മാന്നാര് കുട്ടംപേരൂര് സ്വദേശിയായ ആദര്ശ് തിരുവല്ല മാര്ത്തോമ കോളജിലെ ബിരുദവിദ്യാര്ഥിനിയാണ്.
സ്പെയിനിലേക്ക് പറക്കാനുള്ള ആദര്ശിന്റെ വിമാന ടിക്കറ്റ് സഞ്ജു സ്പോണ്സര് ചെയ്തു. പിന്നാലെ സാംസ്കാരിക, യുവജനകാര്യ മന്ത്രി സജി ചെറിയാനും ആദര്ശിനെ സാമ്പത്തികമായി സഹായിക്കുന്നതിനായി മുന്പോട്ട് വന്നു. കാരക്കാട് ലിയോ ക്ലബ് 50000 രൂപയാണ് സമാഹരിച്ച് നല്കിയത്. ബാക്കി ആവശ്യമായി വന്ന തുക താന് ആദര്ശിന് നല്കിയെന്നും മന്ത്രി സജി ചെറിയാന് വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ