ദുബായ്: ബുർജ് ഖലീഫയിൽ വീഡിയോ തെളിയിച്ചാണ് ക്രിസ്റ്റ്യാനോ റൊണാൾഡോ ഗേൾഫ്രണ്ടിന് ജന്മദിന സമ്മാനം നൽകിയത്. ഈ ജന്മദിന സമ്മാനത്തിനായി ക്രിസ്റ്റ്യാനോ മുടക്കിയ തുക എത്രയെന്ന് കേട്ട് ഞെട്ടുകയാണ് ആരാധകർ ഇപ്പോൾ.
50 ലക്ഷം രൂപയാണ് ബുർജ് ഖലീഫയിൽ ജോർജീന റോഡ്രിഗസിന്റെ വീഡിയെ തെളിയിക്കാനായി ക്രിസ്റ്റ്യാനോ ചെലവാക്കിയത്. ജന്മദിനാശംസകൾ ജിയോ എന്ന തലക്കെട്ടോടെയാണ് വീഡിയോ പ്രദർശിപ്പിച്ചത്. നെറ്റ്ഫ്ളിക്സിന്റെ വീഡിയോയാണ് ഇത്.
ജോർജീനയ്ക്കും നാല് മക്കൾക്കും ഒപ്പമെത്തിയാണ് ക്രിസ്റ്റ്യാനോ ബുർജ് ഖലീഫയിൽ ഗേൾഫ്രണ്ടിന്റെ വീഡിയോ തെളിയുന്നത് കണ്ടത്. ജോർജീനയുടെ 30 സെക്കന്റ് ദൈർഘ്യമുള്ള വീഡിയോയാണ് തെളിയിച്ചത്. ദുബായിൽ അവധിക്കാലം ആഘോഷിക്കുകയാണ് ക്രിസ്റ്റ്യാനോ ഇപ്പോൾ.
2020ൽ ജോർജീനയുടെ ജന്മദിനം ആഘോഷിക്കാൻ ഇറ്റലിയിലെ സ്കൈ റിസോർട്ടിൽ പോയ ക്രിസ്റ്റ്യാനോ കോവിഡ് പ്രോട്ടോക്കോൾ ലംഘിച്ചു എന്നത് വിവാദത്തിന് ഇടയാക്കിയിരുന്നു. 2016ലാണ് ക്രിസ്റ്റ്യാനോയും ജോർജീനയും അടുപ്പത്തിലാവുന്നത്. ഇരട്ട കുട്ടികൾ കൂടി തങ്ങളുടെ കുടുംബത്തിലേക്ക് വരുന്ന സന്തോഷം ക്രിസ്റ്റ്യാനോ നേരത്തെ പങ്കുവെച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
