പാരിസ്: സ്പാനിഷ് ലീഗിലായിരിക്കുമ്പോള്‍ ചിര വൈരികളായിരുന്ന മെസിയും റാമോസും പിഎസ്ജിയില്‍ ഒരുമിച്ച് പന്ത് തട്ടുന്നത് ഫുട്‌ബോള്‍ ലോകത്തെ കൗതുകങ്ങളിലൊന്നാണ്. പ്രീ സീസണിലെ പരിശീലനത്തിന് ഇടയില്‍ ഇരുവരും തമ്മിലുണ്ടായ പോരിലേക്കാണ് ആരാധകരുടെ ശ്രദ്ധ എത്തുന്നത്.
പിഎസ്ജി സ്‌ക്വാഡിലെ മിനി ഗെയിമിനിടയില്‍ മെസിയെ റാമോസ് ചലഞ്ച് ചെയ്യുന്നു. എന്നാല്‍ റാമോസിന്റെ ടാക്കിളും മറികടന്ന് മെസി വല കുലുക്കി. ഇതിന് ശേഷം റാമോസിനെ മെസി രൂക്ഷമായി നോക്കുന്നു. മെസിയുമായി ഇവിടെ റാമോസ് സംസാരിക്കുന്നുണ്ടെങ്കിലും പരിശീലനത്തിന് ഇടയിലെ ഇത്തരം ടാക്കിള്‍ അംഗീകരിക്കാനാവില്ല എന്ന ശരീരഭാഷയിലാണ് മെസി പ്രതികരിച്ചത്.
കഴിഞ്ഞ സീസണില്‍ രണ്ട് താരങ്ങള്‍ക്കും പിഎസ്ജിയില്‍ മികച്ച തുടക്കമല്ല ലഭിച്ചത്. പരിക്കിനെ തുടര്‍ന്ന് ഭൂരിഭാഗം മത്സരങ്ങളും റാമോസിന് നഷ്ടപ്പെട്ടു. തന്റെ കരിയറിലെ 15 വര്‍ഷത്തിന് ഇടയിലെ ഏറ്റവും മോശം സീസണിലൂടെയാണ് മെസി കടന്നു പോയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
