ലണ്ടന്‍: തന്റെ നാളുകള്‍ അവസാനിച്ചിട്ടില്ല എന്ന താന്‍ പറഞ്ഞിട്ടില്ലെന്ന് ക്രിസ്റ്റ്യാനോ റൊണാള്‍ഡോ. ബ്രെന്റ്‌ഫോഡിന് എതിരായ മത്സരത്തിന് ശേഷം ക്യാമറയില്‍ നോക്കി എന്റെ നാളുകള്‍ അവസാനിച്ചിട്ടില്ല എന്ന് ക്രിസ്റ്റിയാനോ പറഞ്ഞതായാണ് റിപ്പോര്‍ട്ടുകള്‍ വന്നത്.
മാഞ്ചസ്റ്റര്‍ യുനൈറ്റഡില്‍ തുടരുമെന്ന് ക്രിസ്റ്റിയാനോ വ്യക്തമാക്കുകയാണ് ഇതിലൂടെ ചെയ്യുന്നത് എന്നും വ്യാഖ്യാനങ്ങള്‍ ഉയര്‍ന്നു. എന്നാല്‍ ഇത് സംബന്ധിച്ച് വന്ന ഇന്‍സ്റ്റഗ്രാം പോസ്റ്റിന് അടിയില്‍ വന്നാണ് അങ്ങനെ താന്‍ പറഞ്ഞിട്ടില്ലെന്ന് ക്രിസ്റ്റ്യാനോ കമന്റ് ചെയ്തത്.
റൊണാള്‍ഡോ 7 ക്ലബ് എന്ന ഫാന്‍ പേജിന്റെ പോസ്റ്റിന് അടിയില്‍ വന്നാണ് ക്രിസ്റ്റിയാനോയുടെ വാക്കുകള്‍. തന്റെ ഔദ്യോഗിക ഇന്‍സ്റ്റാ അക്കൗണ്ട് വഴിയാണ് ക്രിസ്റ്റിയാനോയുടെ മറുപടി. തന്റെ നാളുകള്‍ അവസാനിച്ചിട്ടില്ല എന്ന പ്രതികരണം ക്രിസ്റ്റ്യാനോ നിഷേധിച്ചതോടെ അടുത്ത സീസണില്‍ താരം ഓള്‍ഡ് ട്രഫോര്‍ഡില്‍ ഉണ്ടാവുമോ എന്ന ചോദ്യവും വീണ്ടും ശക്തമാവുന്നു.
അടുത്ത വര്‍ഷത്തെ ചാമ്പ്യന്‍സ് ലീഗിനുള്ള യോഗ്യത മാഞ്ചസ്റ്റര്‍ യുനൈറ്റഡിന് നഷ്ടപ്പെടുന്ന സാഹചര്യമാണ് ക്രിസ്റ്റ്യാനോ ക്ലബ് വിടാനുള്ള സാധ്യത കൂട്ടുന്നത്. എറിക് ടെന്‍ ഹാഗ് ആണ് മാഞ്ചസ്റ്റര്‍ യുനൈറ്റഡിന്റെ പുതിയ പരിശീലകന്‍. ഇതും ക്രിസ്റ്റ്യാനോയുടെ അതൃപ്തിക്കിടയാക്കുന്നു.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
