മുംബൈ: ഇന്ത്യൻ ക്രിക്കറ്റ് ടീമിന്റെ വെസ്റ്റ് ഇൻഡീസ് പര്യടനം ദൂരദർശൻ ആറ് ഭാഷകളിൽ സംപ്രേഷണം ചെയ്യും. ജൂലായ് 12 മുതൽ ഓഗസ്റ്റ് 13 വരെയാണ് ഇന്ത്യ-വെസ്റ്റ് ഇൻഡീസ് മത്സരം. രണ്ട് ടെസ്റ്റ് മത്സരങ്ങളും മൂന്ന് ഏകദിന മത്സരങ്ങളും അഞ്ച് ടി20 മത്സരങ്ങളുമാണ്‌ ഉള്ളത്.
പ്രദേശിക ഡിഡി ചാനലുകളിലൂടെ ഹിന്ദി, ഇംഗ്ലീഷ്, തമിഴ്, തെലുങ്കു, ബംഗ്ലാ, കന്നഡ എന്നീ ഭാഷകളിൽ മത്സരം ആസ്വദിക്കാം. ടെസ്റ്റ് പരമ്പര ഡിഡി സ്പോർട്സിൽ സംപ്രേഷണം ചെയ്യും. ഹിന്ദിയും ഇംഗ്ലീഷും സംയോജിപ്പിച്ചായിരിക്കും ഡിഡി സ്‌പോർട്‌സിലെ സംപ്രേഷണം.
ജൂലായ് 12ന് ആദ്യ ടെസ്റ്റ് പോരട്ടത്തോടെയാണ് പരമ്പരയ്‌ക്ക് തുടക്കമാകുന്നത്. രണ്ടാം ടെസ്റ്റ് ജൂലൈ 20 മുതല്‍. ഈ ടെസ്റ്റ് പരമ്പരയാണ് ചാമ്പ്യന്‍ഷിപ്പിലെ ഇന്ത്യയുടെ ആദ്യ പോരാട്ടങ്ങള്‍. പര്യടനത്തിലെ ഏകദിന പോരാട്ടങ്ങള്‍ ജൂലായ് 27, 29, ഓഗസ്റ്റ് ഒന്ന് തീയതികളില്‍ നടക്കും. ടി20 പരമ്പര ഓഗസ്റ്റ് മൂന്ന് മുതലാണ്. ആറ്, എട്ട്, 12, 13 തീയതികളിലാണ് മറ്റ് പോരാട്ടങ്ങള്‍.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
