ലഖ്‌നൗ: ക്യാപ്റ്റന്‍ കെഎല്‍ രാഹുല്‍ പരിക്കേറ്റ് പുറത്തായതിന് പിന്നാലെ ലഖ്‌നൗ സൂപ്പര്‍ ജയന്റ്‌സിന് മറ്റൊരു തിരിച്ചടി കൂടി. ലഖ്‌നൗ പേസര്‍ ജയദേവ് ഉനദ്കടും പരിക്കിനെ തുടര്‍ന്ന് പിന്‍മാറി. ഇരുവര്‍ക്കും ഐപിഎല്‍ സീസണ്‍ നഷ്ടമാകും.
ഇടത് ഷോള്‍ഡറിനേറ്റ പരിക്കാണ് ഉനദ്കടിന് വിനയായത്. കഴിഞ്ഞ ദിവസം നെറ്റ്‌സില്‍ പ്രാക്ടീസ് ചെയ്യുന്നതിനിടെയാണ് തരാത്തിന്റെ ഷോള്‍ഡറിന് പരിക്കേറ്റത്.
നേരത്തെ കെഎല്‍ രാഹുലിന് റോയല്‍ ചലഞ്ചേഴ്‌സ് ബാംഗ്ലൂരിനെതിരായ മത്സരത്തിനിടെ ഫീല്‍ഡ് ചെയ്യുമ്പോഴാണ് പരിക്കേറ്റത്. താരത്തിന്റെ പരിക്ക് ഗുരുതര സ്വഭാവമുള്ളതാണ്. ലോക ടെസ്റ്റ് ചാമ്പ്യന്‍ഷിപ്പ് ഫൈനല്‍ കളിക്കാന്‍ രാഹുലിന് സാധിച്ചേക്കില്ല.
അതേസമയം ഉനദ്കടും ടെസ്റ്റ് ഫൈനലിനുള്ള ടീമിലുണ്ട്. താരത്തിന് അപ്പോഴേക്കും പരിക്കുമാറി തിരിച്ചെത്താന്‍ സാധിക്കുമെന്നാണ് പ്രതീക്ഷിക്കപ്പെടുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
