ഇന്ത്യക്ക് അഭിമാനമായി ഗുകേഷ്; കാന്ഡിഡേറ്റ്സ് ടൂര്ണമെന്റിലെ ഏറ്റവും പ്രായം കുറഞ്ഞ ചാമ്പ്യന്, ലോക ചാമ്പ്യന്ഷിപ്പിന് യോഗ്യത
ടൊറന്റോ: ടൊറന്റോയില് നടന്ന ഫിഡെ കാന്ഡിഡേറ്റസ് ചെസ്സ് ടൂര്ണമെന്റില് ചാമ്പ്യനായി ഇന്ത്യയുടെ ഡി ഗുകേഷ്. ടൂര്ണമെന്റില് 9 പോയിന്റുമായി മുന്നിലെത്തിയാണ് ഗുകേഷ് ചാമ്പ്യനായത്.
അവസാന റൗണ്ട് മത്സരത്തില് ലോക മൂന്നാം നമ്പര് താരം അമേരിക്കയുടെ ഹിക്കാരു നക്കാമുറയെ ഗുകേഷ് സമനിലയില് തളച്ചു.
ടൂര്ണമെന്റ് ജയത്തോടെ ഗുകേഷ് ലോകചെസ്സ് ചാമ്പ്യന്ഷിപ്പില് നിലവിലെ ചാമ്പ്യനെ നേരിടാനുള്ള യോഗ്യത നേടി. കാന്ഡിഡേറ്റ്സ് ടൂര്ണമെന്റ് ജയിക്കുന്ന ഏറ്റവും പ്രായം കുറഞ്ഞ താരമാണ് 17 കാരനായ ഗുകേഷ്. മാഗ്നസ് കാള്സണും ഗാരി കാസ്പറോവും ലോക ചാമ്പ്യന്മാരാകുമ്പോള് ഇരുവര്ക്കും 22 വയസ്സായിരുന്നു.2014ല് വിശ്വനാഥന് ആനന്ദിന് ശേഷം കാന്ഡിഡേറ്റസ് ടൂര്ണമെന്റ് ജയിക്കുന്ന ആദ്യ ഇന്ത്യന് താരം കൂടിയാണ് ഗുകേഷ്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ലോക ചെസ് ചാമ്പ്യന്റെ എതിരാളിയെ നിശ്ചയിക്കുന്ന മത്സരമാണ് ഫിഡെ കാന്ഡിഡേറ്റസ്. 2024 ലെ ലോക ചാമ്പ്യന്ഷിപ്പ് കിരീടത്തിനായുള്ള മത്സരത്തില് 17 കാരനായ ഗുകേഷ് നിലവിലെ ചാമ്പ്യന് ചൈനയുടെ ഡിംഗ് ലിറനെ നേരിടും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ