തിരുവനന്തപുരം: സെന്കുമാര് കേസില് സര്ക്കാര് നിയമ പോരാട്ടം അവസാനിപ്പിക്കുന്നു. സെന്കുമാറിന് നിയമനം നല്കണമെന്ന കോടതി വിധി നടപ്പിലാക്കിയതായി സര്ക്കാര് സുപ്രീംകോടതിയെ അറിയിക്കും.
സര്ക്കാരിന് വേണ്ടി ചീഫ് സെക്രട്ടറിയായിരിക്കും സെന്കുമാറിനെ ഡിജിപിയായി നിയമിച്ചതുമായി ബന്ധപ്പെട്ട് കോടതിയില് സത്യവാങ്മൂലം നല്കുക. പൊലീസ് മേധാവി സ്ഥാനത്തേക്ക് സെന്കുമാറിനെ തിരികെ നിയമിക്കണമെന്ന കോടതി വിധിയില് വ്യക്തത തേടി നല്കിയ പുനഃപരിശോധനാ ഹര്ജിയും സര്ക്കാര് പിന്വലിക്കും.
കോടതി നിലപാട് വ്യക്തമാക്കിയ സാഹചര്യത്തില് ഇനി ഹര്ജിയുമായി മുന്നോട്ട് പോകേണ്ടതില്ലെന്നാണ് സര്ക്കാരിന്റെ നിലപാട്. പുനഃപരിശോധനാ ഹര്ജി പിന്വലിക്കുന്നതിനുള്ള അപേക്ഷ സര്ക്കാര് ഇന്ന് സുപ്രീംകോടതിയില് സമര്പ്പിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ