പത്തനംതിട്ട : വീട്ടമ്മയെ മർദിച്ചെന്ന പരാതിയിൽ സീരിയൽ നടൻ അറസ്റ്റിൽ. തിരുവല്ല മതിൽഭാഗം അത്തിമുറ്റത്ത് സുരേഷ് (45) ആണ് അറസ്റ്റിലായത്. സമീപവാസിയായ വീട്ടമ്മയുടെ പരാതിയിലാണ് നടപടി.
സ്‌കൂട്ടറിൽ വന്ന വീട്ടമ്മയെ കാറിലെത്തിയ സുരേഷും ഭാര്യയും വഴിതടഞ്ഞ് മർദിച്ചതായാണ് പരാതി. സുരേഷിന്റെ ഭാര്യയും പ്രതിയാണ്.വീട്ടമ്മ മർദിച്ചെന്ന് ആരോപിച്ച് സുരേഷിന്റെ ഭാര്യയും പോലീസിൽ പരാതി നൽകിയിട്ടുണ്ട്.
ഇരുകുടുംബങ്ങളും തമ്മിൽ വഴിത്തർക്കവും മറ്റും ഉണ്ടായിരുന്നതായി പൊലീസ് ഇൻസ്‌പെക്ടർ സന്തോഷ് പറഞ്ഞു. സുരേഷിനെ റിമാൻഡ് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
