തിരുവനന്തപുരം: ചൂടില് നിന്നും മോചനം നേടാന് സംസ്ഥാനം ഇനിയും കാത്തിരിക്കണം. കേരളത്തിന് അടുത്ത ദിവസങ്ങളില് കനത്ത മഴ ലഭിക്കില്ലെന്ന് കാലാവസ്ഥാ നിരീക്ഷണ കേന്ദ്രം.
ഫിലിപ്പീന്സിലുണ്ടായ മംഖൂട് ചുഴലിക്കാറ്റാണ് സംസ്ഥാനത്തിന് മഴ ലഭിക്കുവാനുള്ള സാധ്യത കുറച്ചത്. സെപ്തംബര് പതിനെട്ടു മുതല് ബംഗാള് ഉള്ക്കടലിന്റെ മധ്യ പടിഞ്ഞാറ് ഭാഗത്ത് രൂപപ്പെടുന്ന ന്യൂനമര്ദം കേരളത്തില് മഴ കൊണ്ടുവന്നേക്കും എന്നായിരുന്നു വിലയിരുത്തപ്പെട്ടിരുന്നത്.
എന്നാല് ന്യൂനമര്ദം ഉണ്ടാവും എങ്കിലും ഇതിന്റെ പ്രതിഫലനം കേരളത്തിന് വലിയ അളവില് ഉണ്ടാവില്ല. ഈ ന്യൂനമര്ദത്തെ തുടര്ന്ന് ഏഴ് സെന്റീമീറ്റര് വരെ മഴയാണ് നേരത്തെ പ്രതീക്ഷിച്ചിരുന്നത്. എന്നാല് മഴ അതിലും കുറയുമെന്നാണ് ഇപ്പോഴത്തെ നിഗമനം.
അതേസമയം, കടലില് ശക്തമായ കാറ്റിന് സാധ്യതയുള്ളതിനാല് മത്സ്യത്തൊഴിലാളികള് ജാഗ്രത പാലിക്കണം എന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ