സംസ്ഥാനത്തെ വിവിധ ഭാഗങ്ങളില് മഴ കനത്തതോടെ കൂടുതല് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. ആറ് ജില്ലകളിലാണ് അവധി പ്രഖ്യാപിച്ചിരിക്കുന്നത്. വയനാട്, കൊല്ലം ജില്ലകളിലെ പ്രൊഫഷണല് കോളേജ് ഒഴികെയുള്ള എല്ലാ വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിരിക്കുന്നത്.പാലക്കാട് ജില്ലയില് അംഗനവാടികള് ഉള്പ്പടെയുള്ള വിദ്യാഭ്യാസ സ്ഥാപനങ്ങള്ക്കും അവധിയാണ്. േ
കൂടാതെ ഇടുക്കി, കണ്ണൂര്, കോഴിക്കോട്, മലപ്പുറം ജില്ലകളിലെ വിവിധ താലൂക്കുകളില് അവധി പ്രഖ്യാപിച്ചു. കോഴിക്കോട് താമരശ്ശേരി, നാദാപുരം കുന്നുമ്മല് പേരാമ്പ്ര ബാലുശ്ശേരി മുക്കം എന്നിവിടങ്ങളിലെ പ്രൊഫഷണല് കോളേജുകള് ഉള്പ്പടെയുള്ള വിദ്യാഭ്യാസ സ്ഥാപനങ്ങള്ക്കും അവധി നല്കി. കണ്ണൂര് ജില്ലയിലെ ഇരിട്ടി, തളിപ്പറമ്പ് താലൂക്കുകളിലുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് അവധി ആയിരിക്കും. അംഗണവാടികള്ക്കും അവധിയുണ്ടായിരിക്കുന്നതാണ്.
മലപ്പുറം ജില്ലയില് നിലമ്പൂര് താലൂക്കിലെ വിദ്യാഭ്യാസ സ്ഥാപനങ്ങള്ക്കും അവധിയുണ്ട്. പ്രൊഫഷണല് കോളെജുകള്ക്ക് അവധി ബാധകമല്ലെന്ന് ജില്ലാ ഭരണകൂടം വ്യക്തമാക്കി. ഇടുക്കിയിലെ ദേവികുളം, ഉടുമ്പഞ്ചോല താലൂക്കിലെ പ്രൊഫഷണല് കോളെജുള്പ്പടെയുള്ള വിദ്യാഭ്യാസ സ്ഥാപനങ്ങള്ക്കും അവധി ആയിരിക്കുമെന്ന് ജില്ലാ കളക്ടര് അറിയിച്ചു.
സംസ്ഥാനത്ത് ഇന്ന് നടത്താനിരുന്ന ഹയര്സെക്കന്ററി ഇംപ്രൂവ്മെന്റ് പരീക്ഷകള് മഴയെ തുടര്ന്ന് മാറ്റി വച്ചിട്ടുണ്ട്. പുതുക്കിയ തിയതി പിന്നീട് അറിയിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ