തിരുവനന്തപുരം: മണ്വിളയിലെ ഫാമിലി പ്ലാസ്റ്റിക്സ് ഗോഡൗണില് വന് തീപിടുത്തമുണ്ടായതിന്റെ പശ്ചാത്തലത്തില് സമീപ പ്രദേശത്തെ സ്കൂളുകള്ക്ക് ഇന്ന് അവധി പ്രഖ്യാപിച്ചു. തീപിടുത്തം ഉണ്ടായതിന്റെ രണ്ട് കിലോമീറ്റര് ചുറ്റളവിലെ സ്കൂളുകള്ക്കാണ് കളക്ടര് അവധി പ്രഖ്യാപിച്ചിരിക്കുന്നത്.
ബുധനാഴ്ച രാത്രി എട്ട് മണിയോടെയായിരുന്നു തീപിടുത്തം ഉണ്ടായത്. ജില്ലയിലെ മുഴുവന് ഫയര് എഞ്ചിനുകളും എത്തിച്ചിട്ടും തീ അണയ്ക്കാന് സാധിച്ചിരുന്നില്ല. ആളപായം ഉണ്ടാവാതിരുന്നതോടെ ദുരന്തത്തിന്റെ തീവ്രവ വര്ധിച്ചില്ല. ഗോഡൗണിന് അടുത്തുള്ള ട്രെയിനിങ് ഇന്സ്റ്റിറ്റിയൂട്ടിനും തീ പിടിച്ചിട്ടുണ്ട്.
സമീപവാസികളെ തീപിടുത്തം ഉണ്ടായതിന് പിന്നാലെ തന്നെ ഒഴിപ്പിച്ചിരുന്നു. തീപിടുത്തത്തെ തുടര്ന്ന് വിഷപുക വരാന് തുടങ്ങിയത് രക്ഷാപ്രവര്ത്തകരേയും പ്രതികൂലമായി ബാധിച്ചു. വിഷപുക ശ്വസിച്ച് രണ്ട് പേര് ആശുപത്രിയിലാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ