തിരുവനന്തപുരം: സംസ്ഥാനത്ത് പ്രളയക്കെടുതിയില് പാഠപുസ്തകങ്ങള് നഷ്ടപ്പെട്ട കുട്ടികള്ക്ക് അവ ഇന്നു മുതല് സ്കൂളുകളില് നിന്ന് വിതരണം ചെയ്യുമെന്ന് വിദ്യാഭ്യാസ മന്ത്രി സി രവീന്ദ്രനാഥ് അറിയിച്ചു. ഒന്നു മുതല് പത്ത് വരെയുള്ള ക്ലാസുകളിലെ കുട്ടികള്ക്കുള്ള പാഠ പുസ്തകങ്ങളാണ് ഇന്ന് വിതരണം ആരംഭിക്കുന്നത്.
പ്ലസ് വണ്, പ്ലസ് ടു വിദ്യാര്ത്ഥികള്ക്കുള്ള പാഠപുസ്തകങ്ങള് നാളെ മുതല് ലഭ്യമാക്കുമെന്നും മന്ത്രി വ്യക്തമാക്കി.
നഷ്ടപ്പെട്ടുപോയ ഒന്നാം വാള്യ പാഠപുസ്തകങ്ങള്ക്കൊപ്പം രണ്ടാം വാള്യ പാഠപുസ്തകങ്ങളും വിതരണം ചെയ്യും. പ്രളയക്കെടുതി നേരിട്ട പ്രദേശങ്ങളിലെ സ്കൂളുകളില് നോട്ട് ബുക്ക് വിതരണം ഇതിനകം ആരംഭിച്ചു കഴിഞ്ഞതായും സ്കൂള് ബാഗും മറ്റ് പഠനോപകരണങ്ങളും നല്കുന്നതിനുള്ള നടപടികള് പുരോഗമിക്കുന്നതായി പൊതു വിദ്യാഭ്യാസ ഡയറക്ടറും അറിയിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ