കൊച്ചി: എറണാകുളം-ആലപ്പുഴ റൂട്ടിലുള്ള നാലു പാസഞ്ചർ ട്രെയിനുകളുടെ സർവീസ് ഇന്നലെ മുതൽ റദ്ദാക്കി. കുമ്പളം -തുറവൂർ പാതയിൽ നവീകരണ പ്രവർത്തനങ്ങൾ നടക്കുന്നതിനാൽ ഈ മാസം 14 വരെ റദ്ദാക്കൽ തുടരുമെന്ന് റെയിൽവേ അറിയിച്ചു.
എറണാകുളം-കായംകുളം പാസഞ്ചർ (56381), കായംകുളം-എറണാകുളം പാസഞ്ചർ (56382), കൊല്ലം-എറണാകുളം പാസഞ്ചർ (66302), എറണാകുളം-കൊല്ലം പാസഞ്ചർ (66303) എന്നിവയാണ് റദ്ദാക്കിയത്.
ചില ട്രെയിനുകൾ വിവിധ സ്റ്റേഷനുകളിൽ പിടിച്ചിടുമെന്നും റെയിൽവെ അധികൃതർ അറിയിച്ചു. കായംകുളം-എറണാകുളം പാസഞ്ചർ (56380) ചേർത്തലയ്ക്കും തുറവൂരിനുമിടയിൽ 70 മിനിറ്റ് പിടിച്ചിടും. അഞ്ച്,ഏഴ്, 12, 14 തീയതികളിൽ ഛണ്ഡീഗഡ്-കൊച്ചുവേളി സന്പർക്ക്ക്രാന്തി എക്സ്പ്രസ് (12218) കുമ്പളം സ്റ്റേഷനിൽ 25 മിനിറ്റും പിടിച്ചിടും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
