ന്യൂഡല്‍ഹി: കേരളത്തില്‍ യുഡിഎഫ് തരംഗമെന്ന് ടൈംസ് നൗ- വിഎംആര്‍ അഭിപ്രായ സര്‍വെ. കേരളത്തില്‍ 17 സീറ്റുകള്‍ യുഡിഎഫ് നേടുമെന്നാണ് സര്‍വെ പറയുന്നത്. എല്‍ഡിഎഫ് രണ്ട് സീറ്റിലൊതുങ്ങുമ്പോള്‍ എന്‍ഡിഎ ഒരു സീറ്റ് നേടുമെന്ന് സര്‍വെ പറയുന്നു.
കഴിഞ്ഞ തെരഞ്ഞടുപ്പിനേക്കാള്‍ യുഡിഎഫിന് 4.99 ശതമാനം വോട്ട് വിഹിതം വര്‍ധിക്കും. 2014ല്‍ 41.98 ശതമാനമായിരുന്നു വോട്ട് വിഹിതം. അത് 46.97 ശതമാനമായി വര്‍ധിക്കും. എല്‍ഡിഎഫിന് വോട്ടിംഗ് ശതമാനത്തില്‍ 12.01 ശതമാനം ഇടിവുണ്ടാകും. 2014ല്‍ എല്‍ഡിഎഫ് 40.12 ശതമാനം വോട്ടുകള്‍ എല്‍ഡിഎഫ് നേടിയിരുന്നു. 2014ലേക്കാള്‍ 10.57 ശതമാനം വോട്ടുകള്‍ നേടിയ ബിജെപി 20. 85 ശതമാനം വോട്ടുകള്‍ നേടുമെന്നും സര്‍വെ പറയുന്നു.
2014ലെ ലോക്‌സഭാ തെരഞ്ഞടുപ്പില്‍ യുഡിഎഫ് 12 സീറ്റുകള്‍ നേടിയപ്പോള്‍ എല്‍ഡിഎഫിന് ലഭിച്ചത് എട്ട് സീറ്റുകളായിരുന്നു. എന്‍ഡിഎയ്ക്ക സീറ്റുകളൊന്നും ലഭിച്ചിരുന്നില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
