എടപ്പാള്‍; എതിരെ സൈക്കിളില്‍ വന്ന കുട്ടിയെ രക്ഷിക്കാന്‍ ശ്രമിക്കുന്നതിനിടെ ബൈക്ക് യാത്രികന് ദാരുണാന്ത്യം. മണ്ണാര്‍ക്കാട് കണ്ടമംഗലം സ്വദേശി പള്ളത്ത് അലിയുടെ മകന്‍ നിഷാദാണ് (25) മരിച്ചത്. തിങ്കളാഴ്ച വൈകുന്നേരത്തോടെയായിരുന്നു അപകടം. നിഷാദ് സഞ്ചരിച്ചിരുന്ന വണ്ടി സൈക്കിളില്‍ മുട്ടിയെങ്കിലും കുട്ടി രക്ഷപ്പെട്ടു.
ബാക്കിന് എതിരേ വന്ന കുട്ടിയെ രക്ഷിക്കാന്‍ ശ്രമിക്കുന്നതിനിടെ ബൈക്ക് അരിക് ചാലിലേക്ക് മറിയുകയായിരുന്നു. നിഷാദിനൊപ്പം സഞ്ചരിച്ചിരുന്ന മറ്റൊരു യുവാവിനെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു. രണ്ട് ദിവസം മുന്‍പാണ് നിഷാദ് അവധിയ്ക്ക് ഗള്‍ഫില്‍നിന്ന് നാട്ടില്‍ വന്നത്. ഗള്‍ഫിലുള്ള സുഹൃത്തിന്റെ സാധനങ്ങള്‍ പൊന്നാനിയിലുള്ള വീട്ടില്‍ കൊടുക്കാനായി പോകുന്ന വഴിക്കായിരുന്നു അപകടം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
